ایم ڈی کیٹ ٹیسٹ آج، امتحانی مراکز کے اطراف میں دفعہ 144 نافذ

ایم ڈی کیٹ ٹیسٹ کا انعقاد

اسلام آباد(ڈیلی پاکستان آن لائن) ملک بھر کے 188 سرکاری و نجی میڈیکل اور ڈینٹل کالجز میں داخلوں کیلئے ایم ڈی کیٹ ٹیسٹ آج منعقد ہوگاجس کیلئے امتحانی مراکز کے اطراف میں دفعہ 144 نافذ کر دی گئی ہے۔

یہ بھی پڑھیں: علیمہ باجی نے کل آکر بتایا کہ عمران خان نے کہا ہے کہ ان کی ٹوئیٹ کو ری ٹوئیٹ کیا کریں: عظمیٰ بخاری

امیدواروں کی تعداد اور فیس

نجی ٹی وی چینل دنیا نیوز ذرائع کے مطابق 1 لاکھ 40 ہزار امیدواروں نے ایم ڈی کیٹ ٹیسٹ میں شرکت کیلئے فیس جمع کروائی، پی ایم ڈی سی نے ٹیسٹ فیس 9 ہزار روپے مقرر کر رکھی ہے۔ پی ایم ڈی سی امیدواروں سے حاصل ہونے والی ایک ارب 26 کروڑ روپے کی رقم میں سے 21 کروڑ اخراجات کیلئے رکھی گئی ہے جبکہ 1 ارب 5 کروڑ کی رقم وفاقی دارالحکومت سمیت چاروں صوبوں کی میڈیکل یونیورسٹیوں کو ادا کی جائے گی۔

یہ بھی پڑھیں: پاکستانی سکالر کا چینی چائے کی ثقافت کا مشاہدہ، چین-پاکستان دوستی کی گرمجوشی کا احساس

پی ایم ڈی سی کے اخراجات

پی ایم ڈی سی نے فی امیدوار 1500 روپے اپنے اخراجات اور فی طالبعلم 7500 روپے یونیورسٹیوں کو دینے کا فیصلہ کیا ہے۔ ملک میں مجموعی طور پر 121 نجی میڈیکل اور ڈینٹل کالجز ہیں جن میں 77 میڈیکل اور 44 ڈینٹل کالجز شامل ہیں جبکہ 67 سرکاری کالجز میں 49 میڈیکل اور 18 ڈینٹل کالجز شامل ہیں۔

یہ بھی پڑھیں: میری بیٹی فلموں میں نہیں آرہی، کاجول نے واضح کردیا

صوبوں میں کالجز کی تعداد

اعداد و شمار کے مطابق پنجاب میں 46، سندھ میں 17، خیبرپختونخوا میں 11، آزاد کشمیر اور بلوچستان میں 1، 1 نجی میڈیکل کالج ہے۔ اسی طرح خیبرپختونخوا میں 6، پنجاب میں 25 اور سندھ میں 12 نجی ڈینٹل کالجز کام کر رہے ہیں۔

یہ بھی پڑھیں: امریکی خاتون شادی کرنے کیلئے بھارت پہنچ گئی لیکن ممکنہ جوڑی کی عمر میں کتنا فرق ہے؟ تصاویر وائرل

امتحان کے انتظامات

پنجاب میں امتحان یونیورسٹی آف ہیلتھ سائنسز کے زیر اہتمام صوبے کے 12 شہروں میں لیا جائے گا، 50ہزار 458 امیدواروں نے ایم ڈی کیٹ امتحان کیلئے رجسٹریشن کروائی ہے۔