وزیراعظم کا ملک بھر میں گھریلو صارفین کیلئے گیس کنکشن کھولنے کا اعلان

وزیراعظم شہباز شریف کا اعلان

اسلام آباد(ڈیلی پاکستان آن لائن) وزیراعظم شہباز شریف نے آج سے ملک بھر میں گھریلو گیس کنکشن کھولنے کا اعلان کردیا۔

یہ بھی پڑھیں: لاش کو حنوط کرتے وقت آخری مرحلے میں مردے کی مالی حیثیت کے مطابق پٹیوں میں طلائی زیورات قیمتی پتھر یا ہیرے جواہرات بھی رکھے جاتے تھے

گھریلو گیس کنکشن کی بحالی کی تقریب

نجی ٹی وی چینل دنیا نیوز کے مطابق، اسلام آباد میں گھریلو گیس کنکشن کی بحالی کی تقریب سے خطاب کرتے ہوئے وزیراعظم شہباز شریف نے کہا کہ آج پورے پاکستان کے عوام کا ایک دیرینہ مطالبہ پورا ہوا ہے، گھریلو صارفین کے لیے ملک بھر میں گیس کنکشن کھولنے کا فیصلہ کیا گیا ہے۔

یہ بھی پڑھیں: ایڈز کے مریض نفرت نہیں ہمدردی کے مستحق ہیں ،علاج تک رسائی میں عدم مساوات کو ختم کرنا ہوگا: وزیر اعلیٰ پنجاب

ماضی میں گیس کی فراہمی کی مشکلات

وزیراعظم نے کہا کہ 2022 میں پی ڈی ایم حکومت بنی تو چاروں طرف سے بے پناہ دباؤ تھا کہ گیس کا کنکشن دیا جائے. ہمیں گیس کی فراہمی میں مشکلات کا سامنا تھا اور ہر درخواست دہندہ سے ہمیں معذرت کرنا پڑی۔

یہ بھی پڑھیں: جوہری تعمیرات جاری رہیں تو قیامت برپا کر دیں گے، امریکی صدر کی ایران کو ایک بار پھر دھمکی

نئی گیس پائپ لائن اور انفرااسٹرکچر

وزیراعظم نے مزید کہا کہ یہاں تک بات پہنچی کہ گیس کی پائپ لائن اور اس کا انفرااسٹرکچر بچھانے کے نہ صرف احکامات دیے جاچکے تھے بلکہ فنڈز بھی مہیا کیے جاچکے تھے، اور وہ انفرااسٹرکچر بن بھی گیا۔ تاہم گیس دستیاب نہیں تھی۔ آج وہ دن آیا ہے کہ پورے پاکستان میں گھریلو صارفین کے لیے معیاری ایندھن، ری گیسیفائیڈ لیکویڈ نیچرل گیس کے کنکشن کا اجرا کیا جارہا ہے۔

یہ بھی پڑھیں: کرائم کنٹرول ڈیپارٹمنٹ کے 36 نئے تھانے قائم، جرائم کی روک تھام میں مدد ملے گی

لاکھوں درخواستیں موصول

وزیراعظم نے کہا کہ لاکھوں درخواستیں موصول ہو چکی ہیں، آج خوشی کا دن ہے۔ یہی وہ تسلسل ہے جو میاں نواز شریف کے دور سے چلا آرہا ہے، جب 2013 میں نواز شریف تیسری مرتبہ وزیراعظم بنے تو پورے پاکستان میں 20،20 گھنٹے کی لوڈشیڈنگ اور اندھیرے تھے۔