اسلام آباد، تہران اور استنبول ٹرین بحال کرنے کے لیے کوشاں ہیں: وزیرِ ریلوے حنیف عباسی

اسلام آباد، تہران اور استنبول ٹرین کی بحالی

لاہور (ڈیلی پاکستان آن لائن) وفاقی وزیرِ ریلوے حنیف عباسی نے کہا کہ اسلام آباد، تہران اور استنبول ٹرین کو بحال کرنے کے لیے کوششیں جاری ہیں۔ پاکستان ریلوے 400 کلو میٹر کا نیا ٹریک بنا رہا ہے جو 2028ء میں مکمل ہو گا، ریلوے کے نظام میں جدت لانے کے لیے اقدامات کر رہے ہیں۔

یہ بھی پڑھیں: صدر ٹرمپ اور پیوٹن کی ملاقات کا کوئی فوری امکان نہیں، وائٹ ہاؤس کا اعلان

پریس کانفرنس میں اظہار خیال

لاہور میں پریس کانفرنس سے خطاب کرتے ہوئے حنیف عباسی نے کہا کہ ریلوے میں جدید تبدیلیاں کی جا رہی ہیں۔ کراچی ریلوے اسٹیشن لاہور سے کئی گنا بڑا بن گیا ہے۔ ملازمین کی بھرتی میں شفافیت کو یقینی بنایا گیا ہے، اور مسافر ٹرینوں میں سہولتیں بہتر کی گئی ہیں۔ مسافروں کو ہر ممکن سہولت فراہم کی جائے گی، اور ریلوے سے متعلق کسی بھی مسئلے کو نظر انداز نہیں کیا جائے گا۔

یہ بھی پڑھیں: لکھاری نہ ہوتے ہوئے بھی لکھنے بیٹھا، آنکھوں کے آنسو تھمنے کا نام نہیں لے رہے، ہماری حکومتیں اور عوام دیوالیہ ہونے کے خوف میں مبتلا ہیں

نیا منصوبہ اور سرمایہ کاری

وفاقی وزیرِ ریلوے نے کہا کہ لاہور اور راولپنڈی میں چلنے والی ریل میں صفائی کا نظام بھی بہترین کر دیا گیا ہے۔ 2 ارب ڈالرز کی سرمایہ کاری کے ساتھ ٹریک اپ گریڈیشن کا نیا منصوبہ سامنے آ رہا ہے۔ وزیرِ اعظم پاکستان کا خواب حقیقت میں بدلنے کے لیے کام کر رہے ہیں۔ ایران اور ترکیہ کے ساتھ ریلوے کے ذریعے تجارتی تعلقات کو فروغ دیا جا رہا ہے۔

یہ بھی پڑھیں: مرحبا! آج آگیا رمضان۔۔۔

سہولیات کی بہتری

حنیف عباسی نے مزید کہا کہ ریلوے اسٹیشنز پر کیفے ٹیڑیا اور انٹرنیٹ کی سہولیات فراہم کی جا رہی ہیں۔ بہت جلد وزیرِ اعلیٰ پنجاب مریم نواز کے ساتھ ستھرا پنجاب پروجیکٹ پر بھی کام ہو رہا ہے۔ ڈرائیور کے روم کی حالت بہت خراب ہے جس کی مرمت کی جائے گی۔

چوری اور کرپشن کی روک تھام

ریلوے میں چوری اور کرپشن کو روکنے کے لیے بہترین افسران تعینات کیے جا رہے ہیں، اور ریلوے کے نظام کو ڈیجیٹل کیا جا رہا ہے۔ جو بھی پروجیکٹ لے کر آؤں گا، امید ہے وزیرِ اعظم اس کو مکمل کریں گے۔