اسٹیٹ بینک نئی مالی پالیسی کا اعلان آج کرے گا

نئی مانیٹری پالیسی کا اعلان

کراچی(ڈیلی پاکستان آن لائن)، سٹیٹ بینک آف پاکستان آج نئی مانیٹری پالیسی کا اعلان کرے گا۔

یہ بھی پڑھیں: فیلڈ مارشل، مارشل آف ائیر فورس اور ایڈمرل آف فلیٹ کا رینک حاصل کرنے والا تاحیات یونیفارم میں رہے گا، مجوزہ آئینی ترمیم

اجلاس کی تفصیلات

نجی ٹی وی چینل آج نیوز کے مطابق مرکزی بینک کی زری پالیسی کمیٹی کا اجلاس گورنر جمیل احمد کی زیرِ صدارت ہوگا، جس میں ملکی و بین الاقوامی معاشی حالات، افراطِ زر، اور شرحِ نمو سمیت دیگر معاشی اشاریوں کا تفصیلی جائزہ لیا جائے گا۔

یہ بھی پڑھیں: قومی ترانے کے دوران بیٹھے رہنا ایک نامناسب اور غیر اخلاقی رویہ ہے جو کسی بھی طرح قابلِ قبول نہیں،ایمل ولی خان

پالیسی ریٹ کا باضابطہ اعلان

ذرائع کے مطابق اجلاس کے بعد سٹیٹ بینک پالیسی ریٹ (شرحِ سود) سے متعلق باضابطہ اعلان کرے گا۔

یہ بھی پڑھیں: اظہر علی پاکستان کرکٹ بورڈ کے یوتھ ڈیولپمنٹ کے سربراہ مقرر

اقتصادی تجزیہ کاروں کی رائے

اقتصادی تجزیہ کاروں کا کہنا ہے کہ افراطِ زر کی موجودہ سطح اور معاشی حالات کے پیشِ نظر شرحِ سود میں کسی تبدیلی کا امکان نہیں۔ ان کا کہنا ہے کہ موجودہ مالیاتی صورتحال استحکام کی متقاضی ہے، لہٰذا مانیٹری پالیسی میں تسلسل برقرار رہنے کی توقع ہے。

یہ بھی پڑھیں: حمیر ااصغر کے موبائل پر 6 فروری کو سرگرمی ریکارڈ کی گئی، اداکارہ کے سٹائلسٹ دانش کا دعویٰ

تجزیہ کاروں کا سروے

ایک حالیہ سروے رپورٹ کے مطابق، 88 فیصد تجزیہ کاروں کی رائے ہے کہ پالیسی ریٹ 11 فیصد پر برقرار رہے گا، جب کہ 10 فیصد ماہرین نے 50 بیسز پوائنٹس کی کمی کا امکان ظاہر کیا ہے۔ صرف 2 فیصد شرکاء کا خیال ہے کہ پالیسی ریٹ میں ایک فیصد کمی کی جا سکتی ہے۔

موجودہ شرحِ سود کی صورتحال

واضح رہے کہ ملک میں اس وقت بنیادی شرحِ سود 11 فیصد ہے، جو گزشتہ چند ماہ سے مستحکم سطح پر برقرار ہے۔ ماہرین کے مطابق، مہنگائی کے دباؤ میں کمی اور زرمبادلہ کے ذخائر میں بہتری کی صورت میں آئندہ مہینوں میں شرحِ سود میں کمی کے امکانات بڑھ سکتے ہیں۔