سابق آئی سی سی میچ ریفری کرس براڈ نے انٹرنیشنل کرکٹ کونسل کی بھارت نوازی کا پول کھول دیا

کرس براڈ کا انکشاف

لندن(ڈیلی پاکستان آن لائن) سابق آئی سی سی میچ ریفری کرس براڈ نے انٹرنیشنل کرکٹ کونسل کی بھارت نوازی کا پول کھول دیا۔ برطانوی اخبار ٹیلی گراف سے بات کرتے ہوئے، انہوں نے بتایا کہ بھارت کے خلاف کوڈ آف کنڈکٹ کے معاملے پر ہاتھ ہلکا رکھنے کو کہا گیا تھا۔

یہ بھی پڑھیں: فیلڈ مارشل عاصم منیر کا شکریہ کہ وہ جنگ کی طرف نہیں گئے، پاکستان کے ساتھ تجارتی معاہدے پر بات چیت ہو رہی ہے: ٹرمپ کی ملاقات کے بعد گفتگو

سلو اوور ریٹ کا معاملہ

کرس براڈ نے وضاحت کی کہ ایک میچ میں بھارتی ٹیم 4 اوور پیچھے تھی اور سلو اوور ریٹ کے تحت فائن عائد ہونا یقینی تھا۔ لیکن مجھے ایک فون کال موصول ہوئی جس میں کہا گیا کہ کوئی حل نکالو اور ہاتھ ہلکا رکھو، کیوں کہ یہ بھارت ہے۔

یہ بھی پڑھیں: عرب حکمرانوں کی شکار کے لیے پاکستان آمد، مقامی زمینداروں اور انتظامیہ کی اوچھی حرکات، سابق آئی جی ذوالفقار احمد چیمہ نے آشکار کر دیں

گنگولی کے خلاف کارروائی

انہوں نے مزید کہا کہ فون کال کے بعد میں نے ٹائم کیلکولیشن میں موقع نکالا۔ اگلے میچ میں ساروو گنگولی نے دوبارہ وہی حرکت کی اور آفیشلز کی ایک نہ سنی۔ جب میں نے پوچھا کہ ایسا پھر ہوا ہے، تو کہا گیا کہ صرف گنگولی کو سزا دیں۔

یہ بھی پڑھیں: ججوں کی تقرری، ترقی اور تبادلوں میں وزیر اعظم کا کوئی کردار نہیں ہونا چاہیے، سیاسی جماعتوں سے وابستہ وکلاء کو جج نہ لگایا جائے۔

کرکٹ میں سیاست

سابق آئی سی سی میچ ریفری کرس براڈ نے یہ بھی کہا کہ کھیل میں کافی سیاست شامل ہے۔ اب لوگ سیاسی پیچیدگی سمجھ کر فیصلے کرتے ہیں۔ سارا پیسہ بھارت کے پاس ہے اور عملی طور پر بھارت نے آئی سی سی پر قابو پالیا ہے۔

آئی سی سی سے علیحدگی

کرس براڈ کا کہنا ہے کہ وہ مطمئن ہیں کہ اب وہ آئی سی سی میچ آفیشلز کا حصہ نہیں ہیں کیوں کہ اس کا عمل ایک کافی سیاسی پوزیشن اختیار کر چکا ہے۔