آغا علی نے حنا الطاف کی طلاق کی تصدیق کی

آغا علی اور حنا الطاف کی طلاق کی تصدیق

کراچی(ڈیلی پاکستان آن لائن) پاکستانی اداکار و گلوکار آغا علی نے اداکارہ حنا الطاف سے اپنی طلاق کی تصدیق کردی۔

یہ بھی پڑھیں: ڈاکٹرز نے مجھے دو مرتبہ مردہ قرار دے دیا ، ایک بار میری لاش گھر بھجوا دی ، سابق خاتون رکن اسمبلی نے تہلکہ خیز انکشاف کردیا

طلاق کی افواہیں

نجی ٹی وی چینل جیو نیوز کے مطابق حنا الطاف اور آغا علی میں علیحدگی کی افواہیں گزشتہ 2 برس سے زیرِ گردش تھیں، جس حوالے سے جوڑے نے کسی قسم کا بیان نہیں دیا تھا۔ تاہم اب آغا علی کی جانب سے میزبان احمد علی بٹ کے پوڈکاسٹ میں اپنی طلاق کی اطلاع دی گئی، جس کے ویڈیو کلپس سوشل میڈیا پلیٹ فارمز پر وائرل ہیں۔

یہ بھی پڑھیں: حنا ربانی کھر کا بیان: بھارتی وزیر خارجہ کی پاکستان آمد کا جائزہ

انٹرویو کی خاص باتیں

انٹرویو کے آغاز پر احمد علی بٹ نے آغا کو مخاطب کرتے ہوئے کہا 'ہیپیلی ڈیوورس مین، آپ کے کیا حال ہیں؟' اس طرح مخاطب کیے جانے پر آغا علی قہقہہ لگاکر ہنسے اور جواب دیا کہ آپ نے ایک دم کسی کو اونچائی سے نیچے پٹخ دیا۔ احمد علی نے کہا یہ آپ کی ذاتی زندگی ہے اور آپ دونوں ہی بہت پیارے اور خوش اخلاق انسان ہیں۔ جو بھی ہوا یہ بدقسمتی تھی لیکن زندگی نہیں رُکتی، وہ چلتی رہتی ہے۔

یہ بھی پڑھیں: اگر بیگم جاکر بانی پی ٹی آئی کوکچھ کھلا پلا دیں تو ریاست ذمہ دار نہیں ہوگی، سابقہ شوہر نے ہماری حکومت میں اربوں روپے کمائے: فیصل واوڈا

آغا علی کا ردعمل

آغا علی نے جواب دیا کہ الحمداللہ میں اب کافی اچھا ہوں، زندگی مشکل ہے لیکن کیا کہہ سکتے ہیں۔ میرے خیال میں زندگی کا کوئی بھی رشتہ ہو جو آپ نے اپنی خوشی سے بنایا ہو، اس کو قائم رکھنے کے لیے پوری کوشش کرنی چاہیے۔ لیکن اگر چیزیں درست سمت میں نہ ہوں تو رشتہ ختم کردینا چاہیے۔

یہ بھی پڑھیں: بھارت سے تنازعہ کے دوران پاکستان کی غیر متزلزل حمایت پر شکریہ۔۔۔ وزیراعظم کی آذربائیجان کے صدر سے ملاقات میں گفتگو

عزت اور احترام

اداکار نے کہا کہ اچھی چیز یہ ہے کہ ہم دونوں کبھی ایک دوسرے کی عزت کرنا نہیں چھوڑیں گے۔ یہ سب سے اچھی بات ہے، کیونکہ اکثر جب رشتہ ختم ہوتا ہے تو لوگ ایک دوسرے کی عزت نہیں کرتے۔

یہ بھی پڑھیں: امریکی صدارتی انتخاب: کیا ٹک ٹاک کملا ہیرس یا ڈونلڈ ٹرمپ کی کامیابی میں اہم کردار ادا کر سکتا ہے؟

آغا علی کی بچپن کی یادیں

آغا نے بات جاری رکھتے ہوئے کہا کہ 'شکر ادا کرتا ہوں کہ ہماری وجہ سے کسی اور جان (بچے) کو مشکلات نہیں اٹھانا پڑیں'۔ انہوں نے مزید کہا کہ یہ بہت مشکل فیصلہ تھا اور میں شکر ادا کرتا ہوں کہ ہماری وجہ سے کسی اور جان (بچے) کو مشکلات نہیں اٹھانا پڑیں گی۔

شادی اور علیحدگی کی تاریخ

واضح رہے کہ رواں برس اگست میں مارننگ شو میزبان مدیحہ نقوی نے اپنے شو میں حنا اور آغا کی طلاق کی تصدیق کی تھی، لیکن بعدازاں انہوں نے اپنے بیان کی تردید کردی۔ آغا علی اور حنا الطاف کی شادی کووڈ کے دوران مئی 2020 میں ہوئی تھی، جب کہ 2022 میں ان کے درمیان علیحدگی کی افواہیں گردش کرنے لگیں تھیں، جسے آغا علی نے مسترد کردیا تھا۔