صاحب کے ساتھ ڈیوٹی کرتے نہ تو ہمارے کان ہیں، نہ آنکھیں اور نہ ہی زبان

مصنف: شہزاد احمد حمید

قسط: 336

نہ تو ہمارے کان ہیں، نہ آنکھیں اور نہ ہی زبان؛ ایک دن ہمیں ڈاکٹر طاہر القادری سے ملنے ان کے گھر ماڈل ٹاؤن ایکسٹنشن جانا تھا۔ میں ماڈل ٹاؤن رہتا تھا لہٰذا میں نے سیانا بنتے سٹاف کے ایک ڈرائیور اورنگ زیب سے کہا؛ "اورنگ زیب! ہم اس راستے سے جائیں گے۔" وہ کہنے لگا؛ "سر! ایک بات یاد رکھیں۔ راستہ وہی لینا ہے جو پولیس اسکاٹ بتائے۔ دوسری ایک اور گر کی بات بتا دوں؛ "صاحب کے ساتھ ڈیوٹی کرتے نہ تو ہمارے کان ہیں، نہ آنکھیں اور نہ ہی زبان۔" میں نے سیانت کی یہ باتیں ہمیشہ کے لئے پلے باندھ لی تھیں۔

یہ بھی پڑھیں: نجی بینک کی شکایت پر ایف آئی اے کی تحقیقات شروع ہوگئیں

طاہر القادری کا گھر

طاہر القادری صاحب کا گھر کسی مو رچے سے کم نہیں تھا۔ انہوں نے ملاقات میں صاحب کو اپنا ترجمہ کیا ہوا قرآن پاک کا نسخہ تحفہ میں دیا۔ ان کی علمیت کا میں مداح ہوں لیکن سیاست اور کردار کا ناقد۔

یہ بھی پڑھیں: اپنے ارکان کو محفوظ مقام پر منتقل کر دیا ، 2 سینیٹرز حکومت کی کسٹڈی میں ہیں ، شیخ وقاص اکرم

کھانا اور گن مین

سر! کھانا کھا ہی رہا تھا؛ سرکاری گن مین اکرم قصور کا رہنے والا زندہ دل، ہنس مکھ، ٹائپکل پولیس والا اور کھانے پینے کا شوقین تھا۔ صاحب نے کسی شادی بیاہ یا اور فنکشن پر جانا ہوتا تو کھانے کے وقت صاحب کا حکم تھا کہ "ڈرائیور اور گن مین کو کھانے کے لیے بلا نا میری ذمہ داری ہو گی" جس میں کبھی بھی کوتاہی نہیں ہوئی تھی۔ ما شاء اللہ اکرم خوب سیر ہو کر کھاتا اور کبھی میں اس سے پوچھتا؛ "اکرم کھا نا کھایا" تو جواب ہمیشہ یہی ہوتا؛ "سر! کھا ہی رہا تھا کہ آپ نے بلا لیا۔" ہم سب خوب ہنس دیتے۔

یہ بھی پڑھیں: خاتون صحافی نے گھر میں ایسی چیز دیکھ لی کہ فوراً اپنے اصل والدین کو ڈھونڈنے نکل پڑی، لیکن پھر ایسا انکشاف کہ خوشی سے نہال ہوگئی

وائرلیس آپریٹرز

جاوید وائرلیس آپریٹر تھا۔ یہ میرا پیر بھائی یعنی صوفی برکت علیؒ صاحب کا مرید تھا۔ شریف اور ذمہ دار۔ آج کل برکی تھانے میں انوسٹیگیشن کا انچارج ہے۔ بعد میں اچھرہ لاہور کا رہنے والا حوالدار محمد عارف بھی بطور وائرلیس آپریٹر جوائن کیا۔ اب یہ دونوں باری باری ڈیوٹی انجام دیتے تھے۔ یہ بھی ہنس مکھ نوجوان تھا۔ دونوں کو میں "برخودار وائرلیس آپریٹر" کہہ کر بلاتا تھا اور آج بھی اسی نام سے پکارتا ہوں۔ عارف تو ما شاء اللہ اب انسپکٹر کے عہدے پر ترقی پا کر "قربان کنٹرول" (یہ لاہور پولیس کا مرکزی وائرلیس کنٹرول ہے۔) کا انچارج ہے۔

یہ بھی پڑھیں: ایشیائی ترقیاتی بینک کا پاکستان کو 8 کروڑ 62 لاکھ ڈالر ترقیاتی قرض فراہم کرنے کا اعلان

وزیر بزدار کے ساتھ

صاحب جب بزدار حکومت میں وزیر تھے تو ان کے ساتھ والٹن روڈ لاہور کا رہائشی حوالدار انعام اللہ بھی بطور وائرلیس آپریٹر ڈیوٹی کرتا رہا تھا۔ یہ بھی سلجھا ہوا اور خوش لباس نوجوان تھا۔ صاحب کا سرکاری ڈرائیور ارشد بھی ہمارا ہی بھرتی کیا ہوا تھا۔ ہنس مکھ اور سلجھا ہوا عمدہ ڈرائیور۔ ان سب سے آج بھی رابطہ ہے۔

چوہدری پرویز الٰہی کی اہمیت

چوہدری پرویز الٰہی کی ساری اہم سرکاری یا پارٹی assignment صاحب ہی انجام دیتے تھے۔ ایم پی ایز فنڈز ہو، پارلیمانی سیکرٹریوں کو محکمے الاٹ کرنے ہوں، کسی اہم معاملے کی ٹاسک فورس کا قیام ہو، صوبے میں لاء اینڈ آرڈرز کا معاملہ ہو، اسمبلی کی کارروائی ہو، قانون سازی کے معاملات ہوں یا پارٹی کی تنظیم سازی کے، صاحب کی حیثیت کلیدی تھی۔ اہم مشاورت کے لئے یار غار بھی صاحب ہی تھے۔

نوٹ: یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔