وزیراعلیٰ پنجاب مریم نواز سے جرمن پارلیمنٹ کی رکن دریاء ترک نخباؤرکی ملاقات

ملاقات کا آغاز

لاہور (ڈیلی پاکستان آن لائن) وزیراعلیٰ پنجاب مریم نواز سے جرمن پارلیمنٹ کی رکن دِریا ترک نَخباؤر (Derya Türk-Nachbaur) نے ملاقات کی۔ وزیراعلیٰ مریم نواز نے جرمن پارلیمنٹ کی رکن کا پر تپاک و پر خلوص خیرمقدم کیا۔

یہ بھی پڑھیں: یقین سے خریداری، مایوسی سے واپسی: پاکستانی صارفین ٹیمو سے کیا سیکھ رہے ہیں؟

دو طرفہ موضوعات پر تبادلہ خیال

ملاقات میں دو طرفہ تعلقات، پارلیمانی تعاون، خواتین کی بااختیاری، تعلیم، نوجوانوں کے تبادلوں کے پروگرام، ماحولیات اور کلین انرجی منصوبوں پر تفصیلی گفتگو کی گئی۔ وزیراعلیٰ مریم نواز نے جرمنی کی جانب سے حالیہ سیلاب کے دوران اظہارِ یکجہتی پر شکریہ ادا کیا۔

یہ بھی پڑھیں: ٹرمپ سے جھگڑا: ایلون مسک کو صرف ایک دن میں 27 ارب ڈالر کا جھٹکا

فریڈرک ایبرٹ فاؤنڈیشن کی 100ویں سالگرہ

وزیراعلیٰ مریم نواز نے فریڈرک ایبرٹ فاؤنڈیشن کی 100 ویں سالگرہ پر مبارکباد دی اور پاکستان میں اس کی 35 سالہ خدمات کو سراہا۔

یہ بھی پڑھیں: اے این ایف: بھاری مقدار میں منشیات برآمد ، 17 ملزمان گرفتار

پنجاب کا ثقافتی دل

وزیراعلیٰ مریم نواز نے کہا کہ پنجاب کے تاریخی اور ثقافتی دل لاہور میں جرمنی کے معزز مہمانوں کا خیرمقدم کرنا میرے لیے باعثِ اعزاز ہے۔ فریڈرک ایبرٹ فاؤنڈیشن نے پاکستان اور جرمنی میں جمہوریت، سماجی انصاف اور باہمی مکالمے کے فروغ میں نمایاں کردار ادا کیا۔

یہ بھی پڑھیں: بھارت میں کوئی غیر ملکی رہنما دورے پر آیا ہوتا ہے تو اس دوران ایسے واقعات کیوں ہوتے ہیں؟ محسن نقوی

پارلیمانی تعاون کی اہمیت

وزیر اعلیٰ نے بتایا کہ پنجاب اور جرمن پارلیمان کے تبادلوں سے وفاقی تعاون اور مقامی خودمختاری کے جرمن ماڈل سے سیکھنے کا موقع ملے گا۔ پارلیمانی تعاون عوامی اعتماد اور باہمی تفہیم کا پل ہے جو پاک جرمن تعلقات کو مضبوط بناتا ہے۔

یہ بھی پڑھیں: بانی پی ٹی آئی کی سیاسی حیثیت کو تسلیم کرنا ہوگا، فوادچودھری

نوجوانوں کے لیے مواقع

وزیراعلیٰ مریم نواز نے نوجوانوں کی روزگاری صلاحیت میں اضافے کے لیے جرمنی کے ڈوال ووکشینل ٹریننگ ماڈل کو اپنانے کی خواہش کا اظہار کیا۔ پاکستان اور جرمنی کے درمیان تجارت 2024 میں 3.6 ارب امریکی ڈالر تک پہنچنا خوش آئند ہے۔

یہ بھی پڑھیں: عالمی و مقامی مارکیٹ میں سونے کی قیمت میں کمی

تعلیم کی اہمیت

وزیراعلیٰ مریم نواز نے بتایا کہ تعلیم حکومت پنجاب کے اصلاحاتی ایجنڈے کا بنیادی ستون ہے۔ پنجاب نصاب کی جدت، ڈیجیٹل لرننگ اور عالمی تحقیقی روابط کے فروغ پر کام کر رہا ہے۔

ثقافتی ورثہ

وزیراعلیٰ نے کہا کہ پنجاب کے تاریخی ورثے جیسے بادشاہی مسجد، لاہور قلعہ، شالامارگارڈن اور داتا دربار مشترکہ تہذیبی سرمائے کی علامت ہیں۔ ثقافتی تعاون مؤثر سفارتکاری ہے، اور ہم جرمن اداروں کے ساتھ مشترکہ فن و ثقافت منصوبوں کا خیرمقدم کرتے ہیں۔