کراچی: گلستان جوہر میں آتشزدگی، درجنوں جھونپڑیاں اور متعدد موٹرسائیکلیں جل گئیں

کراچی میں آگ لگنے کا واقعہ

کراچی(ڈیلی پاکستان آن لائن) کراچی میں آگ لگنے کے نتیجے میں درجنوں جھونپڑیاں، خانہ بدوشوں کا سامان اور کئی موٹرسائیکلیں جل کر تباہ ہوگئیں۔

یہ بھی پڑھیں: پشاور ہائیکورٹ نے نومنتخب وزیراعلیٰ خیبرپختونخوا کے انتخاب کیخلاف درخواست پر محفوظ فیصلہ سنا دیا

آگ لگنے کی وجوہات

نجی ٹی وی چینل دنیا نیوز کے مطابق ریسکیو حکام کا کہنا ہے کہ شہر قائد کے علاقے گلستان جوہر بلاک 10 میں جھونپڑی میں آگ لگی۔ یہ آگ جلد ہی دیگر جھونپڑیوں تک بھی پھیل گئی۔

یہ بھی پڑھیں: پاکستان کی جانب سے ایشیا کپ کیلئے ہاکی ٹیم کو بھارنے نہ بھیجنے امکان

واقعے کی تفصیلات

عینی شاہد کے مطابق یہ افسوس ناک واقعہ بجلی کی تاریں ٹکرانے سے شاٹ سرکٹ کی وجہ سے پیش آیا۔ اس واقعے کے بعد ایک فائر ٹینڈر آگ بجھانے کے لیے موقع پر پہنچا۔

یہ بھی پڑھیں: اسلام آباد ہائیکورٹ میں ججز کی تعیناتیاں اسلام آباد سے ہونی چاہئیں: جسٹس (ر) شوکت صدیقی

ریسکیو کی کوششیں

ریسکیو حکام نے بتایا کہ آگ کے آبادی تک پھیلنے کے خطرے کے باعث مزید فائر ٹینڈر طلب کئے گئے۔ 5 فائر فائٹرز نے تقریباً 2 گھنٹوں کی کوششوں کے بعد آگ پر قابو پایا۔ آگ لگنے کے نتیجے میں درجنوں جھونپڑیاں اور خانہ بدوشوں کا سامان اور کئی موٹرسائیکلیں جل گئیں۔

نقصانات

فائر آفیسر کے مطابق اس آگ کے نتیجے میں کئی مویشی بھی جھلس گئے۔