اسرائیل غزہ امن معاہدے کے تحت پوری امداد غزہ جانے نہیں دے رہا، اقوام متحدہ

اقوام متحدہ کا اسرائیل پر الزام

نیو یارک (مانیٹرنگ ڈیسک) اقوام متحدہ نے کہا ہے کہ اسرائیل غزہ امن معاہدے کے تحت پوری امداد غزہ جانے نہیں دے رہا۔ معاہدے کے برعکس، اسرائیل امداد کا صرف ایک حصہ غزہ جانے دے رہا ہے۔

یہ بھی پڑھیں: سابق وزیر اعظم شاہد خاقان عباسی نے ملک کا نظام چلانے کا نسخہ بتا دیا

امدادی ٹرکوں کی تعداد میں کمی

’’جنگ‘‘ کے مطابق اقوام متحدہ کی جانب سے کہا گیا ہے کہ معاہدے میں روزانہ 600 امدادی ٹرک غزہ بھیجنے کی بات طے ہوئی تھی، تاہم اس کے برخلاف روزانہ صرف 145 ٹرک غزہ جانے دیے جارہے ہیں۔

جنوبی لبنان پر حملے

ادھر عرب میڈیا کے مطابق جنگ بندی کے باوجود اسرائیل کے جنوبی لبنان پر حملوں میں 4 افراد شہید ہوگئے۔ عرب اور مسلم ممالک کے وزرائے خارجہ پیر کو استنبول میں ملاقات کریں گے۔