چینی کی فی کلو قیمت 220 روپے تک پہنچ گئی

چینی کی قیمت میں اضافہ

اسلام آباد (ڈیلی پاکستان آن لائن) ملک کے مختلف شہروں میں چینی کی فی کلو قیمت 220 روپے تک پہنچ گئی ہے۔

یہ بھی پڑھیں: پی ٹی آئی کا اچانک مذاکرات کی طرف آنا شکوک و شبہات کو جنم دیتا ہے، خواجہ آصف

نئی رپورٹ کا تجزیہ

ادارہ شماریات کی تازہ رپورٹ کے مطابق ایک ہفتے کے دوران سرگودھا میں چینی کی فی کلو قیمت میں 23 روپے جبکہ کراچی اور حیدرآباد میں 5 روپے تک اضافہ ریکارڈ کیا گیا۔ اس اضافے کے بعد ملک میں چینی کی زیادہ سے زیادہ قیمت 220 روپے فی کلو تک جا پہنچی ہے۔

یہ بھی پڑھیں: امریکا سے تجارتی معاہدہ ہماری معیشت کے لیے خوش آئند پیش رفت ہے: بلال اظہر کیانی

شہروں میں چینی کی قیمتیں

نجی ٹی وی جیو نیوز کے مطابق راولپنڈی، کراچی اور سرگودھا میں چینی 200 روپے فی کلو تک فروخت ہو رہی ہے، جب کہ حیدرآباد میں قیمت 190 روپے سے بڑھ کر 195 روپے فی کلو تک پہنچ گئی ہے۔

یہ بھی پڑھیں: سندھ میں کم از کم ماہانہ اُجرت 40 ہزار روپے مقرر، نوٹیفکیشن جاری

اوست قیمت میں معمولی کمی

ادارہ شماریات کا کہنا ہے کہ گزشتہ ایک ہفتے میں چینی کی اوسط فی کلو قیمت میں معمولی کمی (12 پیسے) ریکارڈ ہوئی ہے، جس کے بعد اوسط قیمت 188 روپے 69 پیسے فی کلو ہوگئی۔

یہ بھی پڑھیں: گوجرانوالہ میں پی ٹی آئی کارکنان کا ایس ایچ او پر تشدد، ضلعی صدر کو حراست سے چھڑا لیا

پچھلے ہفتے اور گزشتہ سال کی قیمتیں

دستاویز کے مطابق گزشتہ ہفتے چینی کی اوسط قیمت 188 روپے 81 پیسے فی کلو تھی، جبکہ ایک سال قبل یہی قیمت 132 روپے 47 پیسے فی کلو تھی۔

لاہور میں قیمتوں کی بڑھوتری

مارکیٹ ذرائع کے مطابق لاہور میں چینی کی قیمت میں غیر معمولی اضافہ دیکھنے میں آ رہا ہے، جہاں فی کلو چینی 200 سے 220 روپے تک فروخت ہو رہی ہے۔