چینی کی فی کلو قیمت 220 روپے تک پہنچ گئی

چینی کی قیمت میں اضافہ

اسلام آباد (ڈیلی پاکستان آن لائن) ملک کے مختلف شہروں میں چینی کی فی کلو قیمت 220 روپے تک پہنچ گئی ہے۔

یہ بھی پڑھیں: عوام نے خاتون کے ساتھ چھیڑ چھاڑ کرنے والے نوجوان سے عشق کا بھوت اُتار دیا

نئی رپورٹ کا تجزیہ

ادارہ شماریات کی تازہ رپورٹ کے مطابق ایک ہفتے کے دوران سرگودھا میں چینی کی فی کلو قیمت میں 23 روپے جبکہ کراچی اور حیدرآباد میں 5 روپے تک اضافہ ریکارڈ کیا گیا۔ اس اضافے کے بعد ملک میں چینی کی زیادہ سے زیادہ قیمت 220 روپے فی کلو تک جا پہنچی ہے۔

یہ بھی پڑھیں: وفاقی بیورو کریسی میں تقرر و تبادلے

شہروں میں چینی کی قیمتیں

نجی ٹی وی جیو نیوز کے مطابق راولپنڈی، کراچی اور سرگودھا میں چینی 200 روپے فی کلو تک فروخت ہو رہی ہے، جب کہ حیدرآباد میں قیمت 190 روپے سے بڑھ کر 195 روپے فی کلو تک پہنچ گئی ہے۔

یہ بھی پڑھیں: جناح ہاؤس حملہ کیس،زین قریشی کی حاضری سے استثنیٰ کی درخواست دائر

اوست قیمت میں معمولی کمی

ادارہ شماریات کا کہنا ہے کہ گزشتہ ایک ہفتے میں چینی کی اوسط فی کلو قیمت میں معمولی کمی (12 پیسے) ریکارڈ ہوئی ہے، جس کے بعد اوسط قیمت 188 روپے 69 پیسے فی کلو ہوگئی۔