پی کے ایل آئی میں جگر کی پیوند کاری کے 1ہزار کامیاب آپریشن مکمل ہو گئے۔

پی کے ایل آئی میں ایک ہزار کامیاب جگر کی پیوند کاری

اسلام آباد(ڈیلی پاکستان آن لائن) پاکستان کڈنی اینڈ لیور انسٹی ٹیوٹ (پی کے ایل آئی) میں جگر کی پیوند کاری کے 1 ہزار کامیاب آپریشن مکمل ہو گئے۔ وزیرِ اعظم شہباز شریف نے پی کے ایل آئی کے جگر کی پیوند کاری کے ایک ہزار کامیاب آپریشن کا سنگِ میل عبور کرنے پر تشکر کا اظہار کیا۔

یہ بھی پڑھیں: محسن نقوی نے ایشیا کپ کی تاریخوں اور وینیو کا اعلان کر دیا

وزیرِ اعظم کا پی کے ایل آئی کی بحالی پر پیغام

وزیرِ اعظم نے کہا کہ ماضی میں پی کے ایل آئی کو تباہ کرنے کی مزموم سازشیں ہوتی رہیں، اللہ کے فضل و کرم سے جو پودا 2017ء میں لگایا تھا، وہ آج تناور درخت بن گیا ہے۔ انہوں نے مزید کہا کہ پی کے ایل آئی سے اب تک 40 لاکھ مریض مستفید ہو چکے ہیں، ادارہ 80 فیصد مریضوں کا مفت علاج کرتا ہے۔

یہ بھی پڑھیں: ایس سی او سمٹ، روشن مستقبل کی طرف پیش رفت

پی کے ایل آئی کی بحالی کے اقدامات

اُن کا کہنا ہے کہ پی کے ایل آئی کے بورڈ آف گورنرز کو ختم کیا گیا اور ادارے کو غیر فعال کیا گیا، 2022ء میں پی کے ایل آئی کی ازسرِ نو بحالی پر کام شروع کیا۔

یہ بھی پڑھیں: دبئی کی پہلی ہوائی ٹیکسی آزمائشی پرواز کی سہولت،ایئر کرافٹ ایک پائلٹ اور چار مسافروں کو لے جا سکتا ہے

مریم نواز کی کردار

شہباز شریف نے کہا کہ وزیرِ اعلیٰ مریم نواز نے اس ادارے کو بھرپور استعداد پر دوبارہ لانے کے لیے بھرپور محنت کی، پی کے ایل آئی میں غریب عوام بین الاقوامی معیار کی سہولتوں سے مستفید ہوتے ہیں۔

ڈاکٹر سعید اختر اور ان کی ٹیم کی تعریف

وزیرِ اعظم نے کہا کہ پی کے ایل آئی کے قیام اور اس کو بھرپور استعداد پر لانے کے لیے محنت کرنے والی ٹیم لائقِ تحسین ہے، دکھی انسانیت کی خدمت اور زندگیاں بچانے میں اس کا شاندار کردار ہے۔ اس خدمت کے لیے ڈاکٹر سعید اختر اور اُن کی پوری ٹیم خراجِ تحسین کی مستحق ہے۔