عدالتی حکم پر مسلسل غیر حاضری، علیمہ خان کے ساتویں مرتبہ وارنٹ جاری

انسداد دہشتگردی عدالت کا فیصلہ

راولپنڈی (ڈیلی پاکستان آن لائن) انسداد دہشتگردی عدالت نے علیمہ خان کے ساتویں مرتبہ ناقابل ضمانت وارنٹ جاری کردیئے۔

یہ بھی پڑھیں: ڈھائی سو روپے کی پرچی پر جھگڑا، نوجوانوں نے قصور میں بس ڈرائیور کی جان لے لی

مقدمے کی سماعت میں عدم حاضری

نجی ٹی وی چینل جیو نیوز کے مطابق راولپنڈی کی انسداد دہشتگردی عدالت نے علیمہ خان سمیت 11 ملزمان کے خلاف 26 نومبر احتجاج کیس کی سماعت کی، جہاں علیمہ خان اور ان کے وکلا آج بھی پیش نہیں ہوئے۔

یہ بھی پڑھیں: ایس سی او نمائشی ایریا چین، پاکستان اقتصادی تعاون کے لئے ایک اہم پلیٹ فارم بن گیا

وارنٹ گرفتاری جاری

علیمہ خان کی عدم حاضری پر عدالت نے ان کے ساتویں مرتبہ ناقابل ضمانت وارنٹ جاری کردیئے۔ ساتھ ہی علیمہ خان کے بینک اکاؤنٹ منجمد کرنے سے متعلق رپورٹ بھی عدالت میں پیش کی گئی۔

یہ بھی پڑھیں: کنسرٹ میں بھارتی پرچم لہرانے پر گلوکار طلحہ انجم نے معافی مانگ لی

بینک اکاؤنٹس کی تفصیلات

رپورٹ کے مطابق متعلقہ بینکوں میں علیمہ خان کے نام سے نمل یونیورسٹی سمیت فلاحی اداروں کے اکاؤنٹس موجود ہیں۔ جن بینکوں نے رپورٹ جمع نہیں کرائی، عدالت نے ان کو نوٹس جاری کردیا ہے۔

یہ بھی پڑھیں: موسمیاتی تبدیلی کے اثرات بلوچستان میں زیادہ ہیں، صوبے میں خشک سالی ہے، وزیراعلیٰ سرفراز بگٹی

آئندہ سماعت کی تاریخ

بعد ازاں عدالت نے ساتویں مرتبہ علیمہ خان کے وارنٹ گرفتاری جاری کردیئے اور مقدمے کی سماعت 6 نومبر تک ملتوی کردی۔

مقدمے کی معلومات

علیمہ خان سمیت 11 ملزمان کے خلاف تھانہ صادق آباد میں مقدمہ درج ہے۔