دیر، سوات میں موسلادھار بارش اور ژالہ باری سے سردی میں اضافہ

موسلادھار بارش اور ژالہ باری کی رپورٹ

پشاور (ڈیلی پاکستان آن لائن) خیبر پختونخوا کے ضلع دیر اور سوات میں گرج چمک کے ساتھ موسلادھار بارش اور ژالہ باری سے سردی کی شدت میں اضافہ ہوگیا۔

دیر میں متاثرہ علاقے

نجی ٹی وی چینل دنیا نیوز کے مطابق دیر میں بارش اور ژالہ باری کے دوران اندھیرا چھا گیا، جبکہ ندی نالوں میں طغیانی سے جی ٹی روڈ پر ٹریفک معطل ہوگیا۔ بارش کے نتیجے میں بالائی علاقوں کی سڑکوں میں کٹاؤ ہوا اور شہری گھروں میں محصور ہو کر رہ گئے۔ بارش اور ژالہ باری سے کھڑی فصلوں اور میوہ جات کے باغات سمیت گاڑیوں کو بھی نقصان پہنچا۔

بجلی کا نظام متاثر

شدید بارش سے بجلی کا نظام درہم برہم ہوگیا اور ضلع بھر کی بجلی منقطع ہوگئی ہے۔

سوات میں حالات

دوسری جانب سوات میں بھی بارش اور ژالہ باری سے سردی کی شدت میں اضافہ ہوگیا۔ مینگورہ شہر میں موسلادھار بارش کے باعث ندی نالوں میں طغیانی آ گئی۔

نالوں کی صفائی کی کمی

ڈبلیو ایس ایس سی کی ناقص کارکردگی ایک بار پھر بے نقاب ہوگئی، نالوں کی بروقت صفائی نہ ہونے کے باعث بند نالوں کا پانی سڑکوں پر آ گیا، جس سے شہریوں کو شدید مشکلات کا سامنا ہے۔

پی ڈی ایم اے کی پیشگوئی

پی ڈی ایم اے نے خیبر پختونخوا میں آج اور کل بارشوں اور بالائی علاقوں میں برفباری کی پیشگوئی کی ہے۔

خطرات اور احتیاطی تدابیر

پی ڈی ایم اے کی جانب سے بارشوں کے پیش نظر صوبے بھر میں الرٹ جاری کرتے ہوئے کہا گیا ہے کہ مختلف اضلاع میں وقفے وقفے سے گرج چمک کے ساتھ بارش کا امکان ہے، جبکہ بالائی علاقوں میں برف باری کے باعث راستے بند ہونے کا خدشہ ہے، اس لئے شہری محتاط رہیں۔

مابعد حالات

الرٹ کیا گیا ہے کہ ایبٹ آباد، دیر، سوات، چترال اور کوہستان میں لینڈ سلائیڈنگ کا خطرہ ہے، پشاور، مردان، بنوں، ڈی آئی خان سمیت متعدد اضلاع میں بھی بارش متوقع ہے۔ شدید بارشوں سے کمزور مکانات، بجلی کھمبوں، اور سائن بورڈز کو نقصان پہنچ سکتا ہے۔

علاج کی ہدایات

پی ڈی ایم اے نے تمام ضلعی انتظامیہ کو احتیاطی اقدامات اور نکاسی آب بہتر بنانے کی ہدایت کی ہے اور سیاحوں اور مسافروں کو غیر ضروری سفر سے گریز کرنے کا مشورہ دیا گیا ہے。