حکومت خیبرپختونخوا کا 12 نومبر کو امن جرگہ بلانے کا فیصلہ

پشاور میں امن جرگہ بلانے کا فیصلہ

پشاور (ڈیلی پاکستان آن لائن) خیبرپختونخوا حکومت نے 12 نومبر کو امن جرگہ بلانے کا فیصلہ کیا جس کے لیے سیاسی جماعتوں کے سربراہان اور سابق وزرائے اعلیٰ کو شرکت کی دعوت دی گئی ہے۔

یہ بھی پڑھیں: مشرق وسطیٰ جنگ، سعودی عرب میں امریکی فضائیہ کے پانچ طیاروں کو نقصان پہنچا، امریکی اخبار

اجلاس کی تفصیلات

ڈان نیوز کے مطابق وزیراعلیٰ خیبرپختونخوا سہیل آفریدی کی زیر صدارت امن وامان سے متعلق مشاورتی اجلاس ہوا جس میں فیصلہ کیا گیا کہ 12 نومبر کو امن جرگہ بلایا جائے گا۔ امن جرگہ صوبائی اسمبلی میں صبح 11 بجے منعقد ہوگا، جرگہ میں سیاسی جماعتوں کے سربراہان، صدور اور جنرل سیکریٹریز کو مدعو کیا گیا ہے۔

یہ بھی پڑھیں: اگر بھارت پاک فضائیہ کے پائلٹ کو پکڑنے کا دعویٰ کر رہا ہے تو اسے سامنے لائے، ڈی جی آئی ایس پی آر۔

سابق وزرائے اعلیٰ اور سول سوسائٹی کی شرکت

خیبرپختونخوا کے سابق وزرائے اعلیٰ کو بھی امن جرگہ میں شرکت کی دعوت دی گئی ہے جب کہ امن جرگہ میں سول سوسائٹی کے نمائندگان اور بار ایسوسییشن کے اکابرین بھی شرکت کریں گے۔

یہ بھی پڑھیں: باجوڑ کی تحصیل خار میں نامعلوم افراد کی فائرنگ، 4 پولیس اہلکار شہید

پی ٹی آئی کی قیادت کا اجلاس

واضح رہے کہ 25 اکتوبر کو وزیرِ اعلیٰ ہاؤس پشاور میں پاکستان تحریکِ انصاف (پی ٹی آئی) کی سینئر قیادت کا اہم اجلاس ہوا تھا جس میں چیئرمین بیرسٹرگوہر، وزیرِ اعلیٰ سہیل آفریدی، جنید اکبر، اسد قیصر و دیگر رہنماؤں نے شرکت کی تھی۔

امن جرگہ کا مقصد

اجلاس کے دوران وزیراعلی سہیل آفریدی نے خیبر پختونخوا اسمبلی میں امن جرگہ بلانے کا فیصلہ کیا تھا، امن جرگے کا مقصد دہشت گردی کے خاتمے اور پائیدار امن کے لیے متفقہ حکمتِ عملی کی تشکیل ہے。