گووندا نے اہلیہ سنیتا آہوجا کے توہین آمیز بیان پر معافی مانگ لی

گووندا کی اہلیہ کا متنازعہ بیان

ممبئی(ڈیلی پاکستان آن لائن) بالی ووڈ کے سینئر اداکار گووندا نے اپنی اہلیہ سنیتا آہوجا کے توہین آمیز بیان پر معافی مانگ لی، جسے انہوں نے تضحیک آمیز قرار دیا۔ بھارتی میڈیا کے مطابق سنیتا نے حال ہی میں ایک پوڈکاسٹ میں پنڈت مکیش شکلا کے بارے میں نازیبا کلمات کہے، جس پر انہیں شدید تنقید کا نشانہ بنایا گیا۔

یہ بھی پڑھیں: خیبر پختونخوا: دہشت گردوں اور منشیات سمگلرز کیخلاف کریک ڈاؤن کا فیصلہ

گووندا کی معافی

گووندا نے اہلیہ کے اس بیان پر ایک ویڈیو پیغام کے ذریعے عوام سے باقاعدہ معافی مانگی ہے، اور اپنی اہلیہ کے تبصرے کو تضحیک آمیز قرار دیا ہے۔

یہ بھی پڑھیں: سعودی عرب میں سونے کی قیمتوں میں اضافہ

سنیتا کا پوڈکاسٹ میں بیان

بالی ووڈ اداکار گووندا اور ان کی اہلیہ سنیتا آہوجا اپنے باہمی تعلقات اور ایک دوسرے سے متعلق تبصروں کی وجہ سے اکثر خبروں میں رہتے ہیں۔ سنیتا نے پوڈکاسٹ میں کہا کہ ہمارے گھر میں بھی ایک پنڈت ہے جو گووندا کی پوجا کراتے ہیں اور دو لاکھ روپے لیتے ہیں۔ میں گووندا سے کہتی ہوں کہ خود دعا کرو، اس کی کروائی گئی پوجا کا کوئی فائدہ نہیں۔ انہوں نے یہ بھی کہا کہ وہی دعائیں قبول ہوں گی جو آپ خود کرتے ہیں، اور اگر میں کوئی عطیہ کرتی ہوں یا کوئی اچھا کام کرتی ہوں تو میں اسے اپنے ہاتھ سے اپنے لیے کرتی ہوں۔

گووندا کا ویڈیو پیغام

اپنی اہلیہ کے اس بیان کے جواب میں آج جاری کیے گئے ویڈیو پیغام میں گووندا نے کہا کہ میں برسوں سے پنڈت مکیش شکلا جی سے مشورہ کرتا آیا ہوں اور اُن کا بے حد احترام کرتا ہوں۔ اُن کے والد بھی ہمارے خاندانی پنڈت تھے۔ میری اہلیہ نے پوڈکاسٹ میں پنڈت مکیش شکلا کے خلاف تضحیک آمیز ریمارکس دیے ہیں، جس کی میں مذمت کرتا ہوں، میری تہہ دل سے معافی قبول کریں۔