Global Community Urged to Foster Favorable Environment for Lasting Peace in Palestine: Yusuf Raza Gilani

اسلام آباد (ڈیلی پاکستان آن لائن) چیئرمین سینیٹ سید یوسف رضا گیلانی نے کہا ہے کہ عالمی برادری فلسطین میں دیرپا امن کے لئے سازگار ماحول کو فروغ دینے پر غور کرے۔

یہ بھی پڑھیں: معاشی محاذ پر ہم بہتر پوزیشن میں آگئے ہیں: وزیر خزانہ

غزہ کی پٹی میں بمباری کی مذمت

چیئرمین سینیٹ سید یوسف رضا گیلانی نے غزہ کی پٹی اور مقبوضہ فلسطینی علاقوں میں اسرائیلی افواج کی طرف سے وحشیانہ بمباری اور تسلط کی ایک سال مکمل ہونے پر شدید مذمت کا اظہار کیا ہے۔

یہ بھی پڑھیں: لاہور گیریژن پولو گراؤنڈ کے زیراہتمام10واں بیٹل ایکس پولوکپ2024ء کے دوسرے روز تین اہم میچز ہوئے

پاکستانی عوام کی یکجہتی

انہوں نے پاکستانی عوام کی جانب سے اپنے فلسطینی بھائیوں کے ساتھ غیر متزلزل یکجہتی کا اظہار کرتے ہوئے کہا کہ اسرائیلی افواج نے پچھلے ایک سال سے ظلم اور بربریت کی انتہا کر دی ہے۔ عالمی برادری کو فلسطینیوں کی حالت زار پر توجہ دینے اور تنازع کے منصفانہ اور دیرپا حل کے لئے کام کرنے کی فوری ضرورت ہے۔

قانونی خلاف ورزی اور امن کی ضرورت

چیئرمین سینیٹ نے کہا کہ اسرائیل کی طرف سے فلسطینی اراضی پر ناجائز قبضہ بین الاقوامی قوانین کی کھلی خلاف ورزی ہے۔ فلسطینی عوام کی جائز امنگوں کو تسلیم کیا جائے۔