لاہور اور بہاولپور سے خاتون اور بچوں کی گرفتاری کا معاملہ؛ اسلام آباد ہائی کورٹ کا پولیس اہلکاروں کے خلاف ایف آئی آر کے اندراج کا عندیہ
اسلام آباد ہائی کورٹ کا فیصلہ
اسلام آباد(ڈیلی پاکستان آن لائن) اسلام آباد ہائی کورٹ نے لاہور اور بہاولپور سے خاتون اور بچوں کی گرفتاری کے معاملے پر پولیس اہلکاروں کے خلاف ایف آئی آر کے اندراج کا عندیہ دے دیا۔
یہ بھی پڑھیں: ایف آئی اے نے انسانی اسمگلر کو 6 افغان شہریوں سمیت گرفتار کرلیا
معاملے کی تحقیقات
نجی ٹی وی چینل دنیا نیوز کے مطابق جسٹس محسن اختر کیانی نے کہا کہ ڈی جی ایف آئی اے معاملے کی تحقیقات کریں، پولیس اہلکار واقعے کی شفاف تحقیقات میں ناکام رہے۔
یہ بھی پڑھیں: ایف بی آر کی بدانتظامی سے قومی خزانے کو 397ارب کے نقصان کا انکشاف
پولیس کے عمل پر سوالات
انہوں نے مزید کہا کہ پولیس بااثر مدعی کے زیر اثر ہے، عدالت کی اجازت کے بغیر چھاپہ مارا۔ کیوں نہ پولیس اہلکاروں کی معطلی کا آرڈر جاری کیا جائے؟
تحقیقات کی یقین دہانی
عدالت نے کہا کہ آئی جی اسلام آباد نے شفاف تحقیقات کی یقین دہانی کروائی تھی، عدالت نے ڈی جی ایف آئی اے کو تحقیقات کا حکم دیتے ہوئے سماعت ملتوی کردی۔
