سیالکوٹ میں پولیس کی گاڑی ریلوے ٹریک پر بند، اچانک ٹرین آگئی، اہلکاروں نے چھلانگ لگا کر جان بچائی

سیالکوٹ میں بڑا حادثہ ٹل گیا

سیالکوٹ ( زین بابو سے) لاہور میں امامیہ کالونی کے بعد سیالکوٹ میں بھی بڑا حادثہ ٹل گیا۔ ساھوالہ کے قریب پٹرولنگ پولیس کی گاڑی ریلوے لائن عبور کرتے ہوئے اچانک بند ہوگئی۔

یہ بھی پڑھیں: صحافی کالونی فیز ٹو کے الاٹمنٹ فارمز جاری، اپنے وعدے میں سرخرو ہوئے: صدر لاہور پریس کلب ارشد انصار ی کا تقریب سے خطاب

حادثے کی تفصیلات

عینی شاہدین کے مطابق، گاڑی جیسے ہی پٹڑی کے درمیان پہنچی تو انجن فیل ہوگیا۔ عین اسی لمحے تیز رفتاری سے آنے والی ٹرین بالکل قریب پہنچ گئی۔ پٹرولنگ پولیس کے اہلکاروں نے حاضر دماغی کا مظاہرہ کرتے ہوئے فوراً چھلانگ لگا کر اپنی جان بچالی۔ چند سیکنڈز بعد ٹرین نے گاڑی کو ٹکر ماری جس کے نتیجے میں گاڑی مکمل طور پر تباہ ہوگئی۔

یہ بھی پڑھیں: چیئرمین پاکستان علماء کونسل حافظ محمد طاہر محمود اشرفی کی پاکستان میں فلسطین کے سفیر ڈاکٹر ذہیر زید سے ملاقات

تحقیقات کا آغاز

حادثے کے بعد پولیس اور ریلوے حکام موقع پر پہنچ گئے اور واقعے کی تحقیقات کا آغاز کر دیا۔ ابتدائی اطلاعات کے مطابق گاڑی کے انجن میں اچانک فنی خرابی پیدا ہوئی جس کے باعث وہ ریلوے لائن پر بند ہوگئی۔

سوشل میڈیا کا ردعمل

واقعے کی فوٹیج سوشل میڈیا پر وائرل ہوگئی، جسے دیکھ کر عوام نے اہلکاروں کی حاضر دماغی کو سراہا اور اسے ایک “خدا کی خاص مہربانی” قرار دیا۔