فضل الرحمان سے محمود خان اچکزئی و دیگر کی ملاقات، 27 ویں آئینی ترمیم بارے گفتگو

اپوزیشن رہنماؤں کی ملاقات

اسلام آباد (ڈیلی پاکستان آن لائن) نامزد اپوزیشن لیڈر محمود خان اچکزئی کی سربراہی میں اسد قیصر اور علامہ راجہ ناصر عباس مولانا فضل الرحمان کے گھر پہنچ گئے۔

یہ بھی پڑھیں: لوگ باہر نکلیں گے اور بڑی تعداد میں نکلیں گے، ہماری تیاری پوری ہے:شعیب شاہین

آئینی ترمیم پر تبادلہ خیال

نجی ٹی وی چینل دنیا نیوز کے مطابق، اپوزیشن رہنماؤں کی مولانا فضل الرحمان سے ملاقات میں 27 ویں آئینی ترمیم پر تبادلہ خیال کیا گیا۔ اس ملاقات کا مقصد ستائیسویں آئینی ترمیم کے حوالے سے اپوزیشن الائنس کو مضبوط کرنا ہے۔

یہ بھی پڑھیں: خیبرپختونخوا میں اب تک کتنے مائننگ لائسنس جاری کیے جا چکے ہیں۔۔؟ زمینی حقائق سامنے آ گئے

شرکاء کی تفصیلات

ذرائع کے مطابق ملاقات میں سینیٹر علامہ راجہ ناصر عباس، سابق وفاقی وزیر اسعد محمود اور جے یو آئی کے ترجمان اسلم غوری بھی شریک تھے۔ سیاسی رہنماؤں نے موجودہ ملکی حالات، پارلیمانی امور، اور اپوزیشن جماعتوں کے کردار پر مشاورت کی۔

سیاسی ماحول میں اہم پیش رفت

ذرائع کا کہنا ہے کہ اس ملاقات کو موجودہ سیاسی ماحول میں اہم پیش رفت قرار دیا جا رہا ہے، کیونکہ مختلف سیاسی جماعتوں کے رہنما رابطوں میں ہیں اور قومی سطح پر اتفاقِ رائے کے لئے کوششیں جاری ہیں۔