اشتہاریوں کی گرفتاریوں میں نمایاں اضافہ، لاہور پولیس نے سال 2025 کا شاندار کارکردگی ریکارڈ جاری کر دیا

پولیس کی مؤثر کارروائیاں

لاہور (زین بابو) پولیس کے سپیشل ٹاسک فورس نے سال 2025 کے دوران اشتہاری اور عدالتی مفروران کے خلاف مؤثر کارروائیاں جاری رکھتے ہوئے نمایاں نتائج حاصل کیے۔

یہ بھی پڑھیں: امریکی صدر کی تنخواہ کیا ہے؟

گرفتاریوں میں اضافہ

ترجمان لاہور پولیس کے مطابق، گزشتہ سال کی نسبت کیٹیگری “اے” اشتہاریوں کی گرفتاریوں میں 20 فیصد اضافہ ریکارڈ کیا گیا۔ سال 2024 میں 2,253 کیٹیگری “اے” اشتہاری گرفتار کیے گئے جبکہ رواں سال اب تک 2,723 اشتہاری مجرم قانون کی گرفت میں آ چکے ہیں۔

یہ بھی پڑھیں: بھارتی کھلاڑی کو انتہائی بڑا جرمانہ کر دیا گیا

مجموعی گرفتاریوں کا احوال

پولیس کارروائیوں کے دوران مجموعی طور پر 21,931 اشتہاری و عدالتی مفروران کو گرفتار کیا گیا۔ ان میں مقدمات میں نامزد مگر تھانوں میں پیش نہ ہونے والے 10,355 ملزمان، 5,694 عادی مجرمان اور 5,882 عدالتی مفروران شامل ہیں۔ خفیہ اطلاعات پر کارروائیاں کرتے ہوئے دیگر اضلاع سے 404 خطرناک اشتہاری مجرم بھی گرفتار کیے گئے۔

یہ بھی پڑھیں: حکومت نے پیٹرولیم مصنوعات کی قیمتوں میں اضافے کا اعلان کردیا

ڈی آئی جی آپریشنز کا بیان

ڈی آئی جی آپریشنز لاہور فیصل کامران کا کہنا ہے کہ “سکیورٹی ڈیوٹی کے ساتھ ساتھ اشتہاری مجرمان کی گرفتاری اسپیشل پرفارمنس ٹاسک ہے۔ پولیس کی مؤثر حکمت عملی سے درجنوں گینگز کا خاتمہ ممکن ہوا ہے۔” انہوں نے مزید کہا کہ اشتہاری مجرم معاشرے میں خوف اور بدامنی کا باعث بنتے ہیں، ان کے خلاف کارروائیاں شہریوں کے تحفظ کی ضامن ہیں۔