تین ماہ کے لیے بجلی کی قیمت میں اضافے کا امکان

بجلی کی قیمتوں میں ممکنہ اضافہ

اسلام آباد (ڈیلی پاکستان آن لائن) تین ماہ کیلئے بجلی کی قیمت میں 45 پیسے اضافے کا امکان ہے جب کہ نیپرا میں ڈسکوز اور کے ای کی پہلی سہہ ماہی ایڈجسٹمنٹ کی مد میں درخواست پر سماعت ہوئی۔

یہ بھی پڑھیں: سونا سستا ہو گیا، چاندی کی قیمت بلند ترین سطح پر پہنچ گئی

سہہ ماہی ایڈجسٹمنٹ کی درخواست

نجی ٹی وی چینل ایکسپریس نیوز کے مطابق وفاقی حکومت نے سہہ ماہی ایڈجسٹمنٹ کی مد میں 45 پیسے اضافے کی درخواست کر رکھی ہے، چیئرمین نیپرا وسیم مختار کی سربراہی میں اتھارٹی نے سماعت کی۔ ڈسکوز نے پہلی سہہ ماہی ایڈجسٹمنٹ کی مد میں 8 ارب 41 کروڑ روپے مانگے ہیں۔

یہ بھی پڑھیں: نہ بیٹیاں ، نہ بیٹے: لیجنڈری اداکار دھرمیندر اپنی کروڑوں کی زمین کس کے نام کرگئے ؟

صارفین کی تشویش

صارفین نے کہا کہ وزیر اعظم نے تین ماہ کے لیے بجلی کی قیمت 7 روپے 41 پیسے کم کی ہے، ابھی گردشی قرض میں بھی اضافہ ہو رہا ہے، گردشی قرض بڑھ رہا ہے، ابھی زرعی اور صنعتی صارفین کے پیکیج کا اعلان ہوا۔

یہ بھی پڑھیں: سیکیورٹی فورسز کے خیبر پختونخوا اور بلوچستان میں انٹیلی جنس بیسڈ آپریشنز، 9دسمبر سے اب تک 43 دہشتگرد جہنم واصل

زرعی اور صنعتی پیکیج کی شروعات

صارفین کے مطابق کیا صنعتی اور زرعی پیکیج یکم نومبر سے شروع ہوگا؟ ممبر سندھ رفیق شیخ نے کہا کہ جس سٹریکچر کے ساتھ پاور سیکٹر چل رہا ہے گردشی قرض ختم نہیں ہوگا۔

یہ بھی پڑھیں: تھائی لینڈ اور کمبوڈیا میں صلح معاہدے پر دستخط، دنیا بھر میں امن چاہتا ہوں: ٹرمپ

صنعتی صارفین کی خدشات

صنعتی صارفین کے مطابق انڈسٹری گردشی قرض پر 3 روپے 23 پیسے سرچارج دے رہی ہے، اب دوبارہ بینکوں سے لئے گئے گردشی قرض پر بھی سرچارج جاری رہے گا۔

یہ بھی پڑھیں: برطانوی شہری کے دبئی میں کھونے والے ائیر پوڈز جہلم پولیس نے کیسے ڈھونڈے؟ دلچسپ کہانی جانیے

نیپرا کی رائے

ممبر نیپرا نے کہا کہ جب تک ڈسکوز کے نقصانات اور چوری کم نہیں ہوتی، ریکوری بہتر نہیں ہوتی تو گردشی قرضے بڑھتا رہے گا۔

پاور ڈویژن کا موقف

پاور ڈویژن نے کہا کہ اضافی نقصانات اور کم ریکوری سے نقصانات بڑھے ہیں، نیپرا اتھارٹی نے سماعت مکمل کرلی، اتھارٹی اعداد و شمار کے جائزے کے بعد وفاقی حکومت کو فیصلہ بھیجے گی۔