حکومت نے 27 ویں آئینی ترمیم کی شقوں پر غور کے لیے مشترکہ پارلیمانی کمیٹی بنانے کا فیصلہ کیا

بندش کے تحت نئی کمیٹی کا قیام

اسلام آباد (ڈیلی پاکستان آن لائن) حکومت نے 27 ویں آئینی ترمیم کی شقوں پر غور کیلئے مشترکہ پارلیمانی کمیٹی بنانے کا فیصلہ کر لیا ہے۔ کمیٹی کی سربراہی فاروق ایچ نائیک کو سونپے جانے کا امکان ہے۔ کمیٹی میں تمام حکومتی اور اپوزیشن جماعتوں کو نمائندگی دی جائے گی۔

یہ بھی پڑھیں: امریکی سرحد پر نشہ دے کر بچہ سمگل کرنے کی کوشش پر خاتون گرفتار

سینیٹ میں ترمیم کی پیشی

سما ٹی وی کے مطابق ذرائع کا کہنا ہے کہ 27 ویں آئینی ترمیم کل سینیٹ میں پیش کی جائے گی۔ ترمیم پر غور کیلئے مشترکہ کمیٹی کی منظوری سینیٹ دے گا۔ چیئرمین سینیٹ پارلیمانی کمیٹی کیلئے اسپیکر قومی اسمبلی سے نام لیں گے۔ مشترکہ پارلیمانی کمیٹی کی صدارت فاروق ایچ نائیک کریں گے۔ کمیٹی میں اپوزیشن سمیت تمام پارلیمانی جماعتوں کو شامل کیا جائے گا۔ پارلیمانی کمیٹی کو 27 ویں ترمیم پر غور کیلئے 2 دن کا وقت دیا جائے گا۔

پارلیمانی کمیٹی کی کارروائی

پارلیمانی کمیٹی ترمیم کی ہر شق پر غور کرے گی۔ مشترکہ پارلیمانی کمیٹی اپنی رپورٹ پیر کو سینیٹ میں پیش کرے گی۔ سینیٹ میں پیر یا منگل کو آئینی ترمیم کی منظور کروائی جائے گی۔ ایوان بالا سے منظوری کے دن ہی ترمیم قومی اسمبلی میں پیش کی جائے گی۔ قومی اسمبلی بحث کے بعد بدھ یا جمعرات تک ترمیم منظور کرے گی۔