پنجاب بھون میں ناشتے سے لطف اندوز ہوئے، تمام مراعات ارکان اسمبلی اور مہمانوں کیلیے ہیں، شرٹ کی جیب سے دہلی کا نقشہ نکال کر ڈائننگ ٹیبل پر پھیلا دیا۔

ناشتہ کا شاندار آغاز

مصنف: رانا امیر احمد خاں
قسط: 210

صبح ساڑھے آٹھ بجے پنجاب بھون کی کینٹین میں ناشتے سے لطف اندوز ہوئے تو پتہ چلا کہ کینٹین میں کھانا پینا مارکیٹ ریٹ سے تقریباً نصف قیمت پر ہے۔ یہ تمام مراعات ارکان اسمبلی اور ان کے مہمانوں کے لیے مخصوص ہیں۔

یہ بھی پڑھیں: کراچی میں آج صبح پھر زمین زلزلے کے جھٹکوں سے لرز اٹھی

نقشے کا تعارف

ناشتہ کے بعد ارشاد چودھری صاحب نے اپنی بوشرٹ کی جیب سے دہلی شہر کا نقشہ نکال کر ڈائننگ ٹیبل پر پھیلا دیا۔ یہ نقشہ انہوں نے دہلی ریلوے سٹیشن سے خرید کر احتیاطاً اپنے پاس محفوظ کر لیا تھا۔ نقشے پر نظر ڈالی تو دہلی شہر کی حدود میں کئی بستیاں آباد دکھائی دیں جیسے کرشن نگر، ریگل چوک، ماڈل بستی، سول لائنز، شالامار باغ، کناری بازار، لکشمی، گرین پارک، سندر، شاہدرہ اور غازی آباد وغیرہ۔

یہ بھی پڑھیں: ملک بھر میں پرائیویٹ حج سکیم کے تحت درخواستوں کی وصولی کا آج سے آغاز ہو گیا

سریندر کور کا ثقافتی اثر

دہلی کے علاقے غازی آباد اور لاہور کے درمیان تعلق کے حوالے سے موسیقی کے رسیا ظفر علی راجا کو اپنا خیال آیا کہ وقت کی ایک نامور گلوکارہ سریندر کور کا ذکر کیا جائے۔ انہوں نے اپنی ریسرچ کے بارے میں بتایا کہ دہلی کی نواحی بستی غازی آباد اور شہر لاہور دونوں سریندر کور کی وجہ سے ایک ثقافتی بندھن میں بندھے ہوئے ہیں۔

یہ بھی پڑھیں: قومی اقتصادی سروے آج پیش کیا جائے گا، حکومت معاشی ترقی کا ہدف حاصل میں ناکام

گلوکارہ کی شاندار کامیابیاں

سریندر کور کا تعلق ایک سکھ خاندان سے تھا اور وہ اور اس کی بہن پرکاش کور لاہور میں پیدا ہوئیں۔ جوانی کی دہلیز تک پہنچتے پہنچتے دونوں بہنوں کی گلوکاری لاہور ریڈیو سے ہواؤں میں تیرنے لگی تھی۔ انہوں نے قیام پاکستان سے چار پانچ سال پہلے "دل دے ڈھول سپاہیا" گانا ریکارڈ کروایا جس نے پنجاب کے جیالوں کو دیوانہ بنا دیا۔ مسرت نذیر، جنہوں نے پاکستان ٹیلی ویژن سے شہرت حاصل کی، کے زیادہ تر گانے بھی سریندر کور کے ماضی میں گائے ہوئے ہیں۔

یہ بھی پڑھیں: ٹرمپ کی بھارت کو بڑا جھٹکا دینے کی تیاری، اربوں ڈالر کے نقصان کا اندیشہ

ایوارڈز اور تقدیر

سریندر کور کا خاندان قیام پاکستان کے وقت لاہور سے ہجرت کر کے دہلی کی نواحی بستی غازی آباد میں آباد ہوگیا۔ اس گلوکارہ کو بھارت کی حکومت نے پرماشری ایوارڈ سے نوازا جبکہ گرونانک یونیورسٹی نے اسے ڈاکٹریٹ کی ڈگری عطا کی۔ بھارتی فلم انڈسٹری میں دھوم مچانے والا ایک نغمہ "تیری دو ٹکیاں دی نوکری میرا لکھاں دا ساون جائے" بھی سریندر کور نے 1970ء کے اوائل میں "فلم روٹی کپڑا اور مکان" کے لیے گایا تھا۔

یہ بھی پڑھیں: عوام کو شکایت ہے کہ حکومت ہماری بات نہیں سنتی لیکن ایمنسٹی انٹرنیشنل کے مطابق وہ نہ صرف بات سنتی ہے بلکہ 40 لاکھ فونز مانیٹر بھی کرتی ہے: محمد حنیف

موضوع بحث

نور جہاں جعفر نے سریندر کور کے بارے میں ظفر علی راجا کی ریسرچ کی داد دیتے ہوئے کہا کہ موضوع گفتگو سریندر کور نہیں بلکہ دہلی شہر کی سیر ہے۔ نقشے پر ایک وسیع دہلی شہر اپنے نقش پھیلائے ہوئے تھا، جس میں سمجھنے میں مشکل ہو رہی تھی کہ اتنے بڑے شہر میں چند گھنٹوں کے لیے کہاں جانا چاہیے۔

یہ بھی پڑھیں: وفاقی وزیر بحری امور کا میری ٹائم ایجوکیشن انڈومنٹ فنڈ کا اعلان

شہری سیر کا منصوبہ

کچھ دیر سب کی رائے لینے کے بعد میں نے فیصلہ کیا کہ میں پنجاب بھون میں دوپہر تک قیام کروں گا کیونکہ ہمارے میزبان محترم ستیا پال جی اور بھارت کی ایک این جی او کی صدر محترمہ بپیتا چوہدری نے مجھے فون کیا ہے۔ میں نے سجاد محمود بٹ کو کہا کہ وہ خواتین کے ساتھ رہیں اور ان کے ہمراہ شاپنگ کا لطف اٹھائیں۔ باقی دوست جدید کمرشل سنٹر کناٹ پیلس تک رکشے میں جائیں گے۔

یہ بھی پڑھیں: بینک آف انگلینڈ نے شرح سود میں کمی کا اعلان کردیا

نماز اور واپسی کی تیاری

اس کے بعد چاندنی چوک پر رکشہ چھوڑ کر ہم جامع مسجد تک پہنچیں گے اور وہاں خواتین کے پہنچنے پر نماز مغرب ادا کریں گے۔ میں خود بھی نماز عصر کے بعد دہلی کی انڈر گراؤنڈ ٹرین میں سفر کرنے کا تجربہ حاصل کرنے جاؤں گا اور نماز مغرب سے پہلے جامع مسجد میں آپ سب لوگوں سے ملوں گا۔ پھر ہم واپس پنجاب بھون پہنچ کر اپنا سامان سمیٹیں گے اور رات کے کھانے کے بعد ریلوے سٹیشن پہنچ کر بذریعہ ٹرین کانپور کی طرف روانہ ہو جائیں گے۔

نوٹ

یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔