فیروزوالہ میں افسوسناک واقعہ، 25 سالہ پولیس کانسٹیبل نے خودکشی کر لی
افسوسناک واقعہ فیروزوالہ میں
فیروزوالہ (زین بابو ڈیلی پاکستان) تھانہ فیروزوالہ کے علاقے وڈالہ دیال شاہ بوٹا پارک میں ایک افسوسناک واقعہ پیش آیا ہے، جہاں پولیس کے جوان نے مبینہ طور پر خودکشی کر لی۔
یہ بھی پڑھیں: کراچی میں ای چالان کے حوالے سے ایک کے بعد ایک انوکھا واقعہ، شہری کو 13 دن میں 2 ای چالان موصول
پولیس رپورٹ اور تفصیلات
پولیس رپورٹ کے مطابق کانسٹیبل شیروز افضل انصاری نے اپنے گھر میں ماتھے پر پستول سے فائر کر کے اپنی زندگی کا خاتمہ کر لیا۔ ذرائع کے مطابق متوفی کی عمر صرف 22 سال تھی اور چند ماہ قبل اس کی منگنی طے پائی تھی جبکہ شادی بھی چند ماہ بعد ہونے والی تھی۔
یہ بھی پڑھیں: آسٹریلیا میں نئی تاریخ رقم، صرف 21 سالہ لڑکی سینیٹر منتخب
متوفی کی تعیناتی
پولیس کے مطابق شیروز افضل انصاری کا تعلق پنجاب کانسٹیبلری کی بٹالین نمبر 7 سے تھا اور وہ ایم پی اے ہاسٹلز لاہور میں سیکیورٹی ڈیوٹی پر تعینات تھا۔
موت کے بعد کی کارروائیاں
واقعے کے بعد فیروزوالہ پولیس نے متوفی کی لاش کو تحصیل ہیڈکوارٹر اسپتال منتقل کر دیا ہے جہاں پوسٹ مارٹم کے بعد مزید کارروائی جاری ہے۔
