سلیکٹر کا نامناسب رویہ اور فحش سوالات، سابق بنگلادیشی خاتون کرکٹر کے الزامات پر تحقیقات کا فیصلہ

تحقیقات کا آغاز

ڈھاکہ (ڈیلی پاکستان آن لائن) بنگلادیشی کرکٹ بورڈ نے بنگلادیش کی سابق فاسٹ بولر جہاں آرا عالم کے لگائے گئے الزامات پر تحقیقات کا فیصلہ کر لیا ہے۔

یہ بھی پڑھیں: ایشیا کپ، افغانستان نے سری لنکا کو جیت کے لیے 170 رنز کا ہدف دے دیا

الزامات کی تفصیلات

سابق فاسٹ بولر جہاں آرا عالم نے اپنے ایک انٹرویو کے دوران ویمن ٹیم کے سلیکٹر اور منیجر پر الزامات لگاتے ہوئے کہا کہ سابق سلیکٹر ون ڈے ورلڈکپ 2022 کے دوران نامناسب انداز میں ان کے پاس آئے تھے۔ جہاں آرا نے الزام لگایا کہ ان سے فحش سوالات کیے گئے، جبکہ اس معاملے پر بی سی بی آفیشلز کو بھی اسی وقت آگاہ کیا گیا تھا، تاہم آفیشلز کا رویہ بھی نامناسب تھا۔

یہ بھی پڑھیں: صوبائی وزیر کی جعلی ویڈیو اپ لوڈ کرنے کے مقدمے میں سوشل میڈیا ایکٹوسٹ فلک جاوید کی درخواست ضمانت مسترد

بی سی بی کا ردعمل

دوسری جانب ان الزامات پر بنگلادیشی کرکٹ بورڈ کا ردعمل بھی سامنے آ گیا ہے۔ کرکٹ بورڈ کے مطابق مقامی میڈیا میں قومی ٹیم کی ایک سابق رکن کے ٹیم سے جڑے شخص پر مس کنڈکٹ کے الزامات پڑھے، یہ ایک حساس معاملہ ہے۔

بی سی بی کے مطابق جہاں آرا عالم کے لگائے گئے الزامات کی تحقیقات کی جائے گی جس کے لیے ایک کمیٹی تشکیل دی گئی ہے جو 15 روز میں تحقیقات مکمل کرکے سفارشات پیش کرے گی۔ بورڈ ایسے معاملات کو سنجیدگی سے لیتا ہے جبکہ تحقیقات مکمل ہونے پر ایکشن بھی لیتا ہے۔

یہ بھی پڑھیں: بھارتی دفاعی کمپنیوں کا اسرائیل سے گٹھ جوڑ، جنوبی ایشیاء میں جنگ ایک خاموش ڈرون حملے سے شروع ہو سکتی ہے: رپورٹ میں تہلکہ خیز انکشافات

پچھلے الزامات

واضح رہے کہ جہاں آرا عالم نے اس سے قبل ایک انٹرویو میں بنگلا دیش ویمن کپتان نگار سلطانہ پر ساتھی کھلاڑیوں کے ساتھ مارپیٹ کے الزامات لگائے تھے، تاہم بی سی بی نے ان کے مارپیٹ کے الزامات کو بے بنیاد قرار دیا تھا۔