اپوزیشن نے قائدین کی بانی پی ٹی آئی سے ملاقات نہ کروانے پر مذمتی قرارداد پنجاب اسمبلی میں جمع کروا دی

مذمتی قرارداد کی جمع کروائی

لاہور (ڈیلی پاکستان آن لائن) اپوزیشن اراکین نے متفقہ طور پر قائدین کی بانی پی ٹی آئی سے ملاقات نہ کروانے پر مذمتی قرارداد پنجاب اسمبلی میں جمع کروا دی ہے۔

یہ بھی پڑھیں: سونے کی قیمت میں 4ہزار روپے فی تولہ اضافہ

قرار داد پر دستخط کرنے والے اراکین

قرارداد پر علی امتیاز، فرحت عباس، رانا شہباز، امتیاز محمود نے دستخط کئے۔ قرارداد میں کہا گیا ہے کہ قائد حزب اختلاف پنجاب معین ریاض قریشی اور خیبر پختو نخوا کے منتخب وزیر اعلیٰ سہیل آفریدی کو اڈیالہ جیل میں بانی عمران خان سے عدالت کے حکم کے باوجود ملاقات نہ کرنے دینا ایک غیر قانونی عمل ہے۔

یہ بھی پڑھیں: گھر میں کام کرنے والی نوکرانی نے 2 ساتھیوں کے ساتھ مل کر 8 تولے سونا اور 3 لاکھ روپے کے پرائز بانڈ چوری کر لئے،ملزمان گرفتار

شہریوں کے مینڈیٹ کی تذلیل

یہ دونوں صوبوں میں بسنے والے کروڑوں شہریوں کے مینڈیٹ کی بھی تذلیل ہے، اور اس عمل کی شدید مذمت کرتے ہیں۔

یہ بھی پڑھیں: پی ٹی آئی کے بانی کی صحت کے بارے میں تشویش، نئے احتجاج کے لیے کنٹینر تیار، کسی بھی وقت کسی بھی شہر کی طرف موڑ سکتا ہے: شفیع جان

حکومت کو باور کروانا

قرار داد میں مزید کہا گیا ہے کہ یہ ایوان حکومت کو یہ بھی باور کروانا چاہتا ہے کہ پاکستان تحریک انصاف کو خیبر پختو نخوا اور پنجاب کے عوام نے بھاری مینڈیٹ سے منتخب کیا ہے۔ اس مینڈیٹ کو پورا کرنے کے لیے قائد حزب اختلاف اور وزیر اعلی خیبر پختو نخوا کی ملاقات روکنا عوامی اعتماد کے منافی ہے۔

مطالبہ برائے ملاقات

قرار داد میں مطالبہ کیا گیا ہے کہ عمران خان سے قائد حزب اختلاف اور وزیر اعلی خیبر پختو نخوا کی ملاقات کو عدالت کے حکم کے مطابق فوراً ممکن بنایا جائے۔

پنجاب اسمبلی میں اپوزیشن نے متفقہ طور پر قرارداد جمع کرائی جس میں عمران خان سے قائد حزب اختلاف معین ریاض قریشی اور خیبر پختون خوا کے منتخب وزیر اعلی سہیل آفریدی کی ملاقات روکنے کی سخت مذمت کی گئی ہے۔

یہ اقدام عدالتی حکم کی کھلی خلاف ورزی اور دونوں صوبوں کے کروڑوں شہریوں کے… pic.twitter.com/oT30DWPPGT

— PTI (@PTIofficial) November 7, 2025