کراچی کے بعد لاہور میں بھی ٹریفک قوانین کی خلاف ورزیوں پر بھاری جرمانوں کی تجویز منظور

نئی ٹریفک جرمانوں کی تجویز

لاہور (ڈیلی پاکستان آن لائن) کراچی کے بعد لاہور میں بھی ٹریفک قوانین کی خلاف ورزیوں پر بھاری جرمانوں کی تجویز منظور کر لی گئی ہے۔ 200 سے 750 روپے کے معمولی جرمانے اب بڑھا کر کم از کم 2 ہزار سے 20 ہزار روپے تک کر دیے گئے ہیں، جس پر شہریوں نے شدید ردعمل کا اظہار کیا ہے۔

یہ بھی پڑھیں: ججز بھی نااہل ہیں اور عدالتیں بھی مردہ ہوگئی ہیں: جسٹس محسن اختر کے ایمان مزاری اور ہادی علی چٹھہ کی گرفتاری کے خلاف وکیلوں کی ہڑتال پر ریمارکس

اوور اسپیڈنگ کے لئے جرمانے

آج نیوز کے مطابق اوور اسپیڈنگ پر موٹرسائیکل کو 2000، رکشہ کو 3000، کار اور جیپ کو 5000 جبکہ بس اور بڑی گاڑیوں کو 15 سے 20 ہزار روپے تک جرمانہ کیا جائے گا۔

یہ بھی پڑھیں: پنجاب: 11 لاکھ آوٹ آف سکول بچوں کی انرولمنٹ کا منفرد ریکارڈ قائم

سگنل کی خلاف ورزی کے جرمانے

سگنل کی خلاف ورزی پر موٹرسائیکل 2000، رکشہ 3000، کار یا جیپ 5000، لگژری گاڑی 10 ہزار اور بسوں یا بڑی گاڑیوں کو 15 ہزار روپے جرمانہ ہوگا۔

یہ بھی پڑھیں: عمران خان کے طبی معائنہ کی تفصیل اہل خانہ کو فراہم کر دی گئی، وفاقی وزیر اطلاعات عطا تارڑ

اوور لوڈنگ کے لئے جرمانے

اسی طرح اوور لوڈنگ کی صورت میں رکشہ کو 3000، کار و جیپ کو 5000، لگژری گاڑی کو 10 ہزار اور بس یا بڑی گاڑی کو 15 ہزار روپے دینا ہوں گے۔

یہ بھی پڑھیں: شوگر ملز مالکان نے ناجائز منافع خوری کے لیے کراچی میں چینی کی سپلائی بند کردی

لائٹس کی عدم موجودگی پر جرمانے

لائٹس نہ ہونے پر موٹرسائیکل کو 2000، رکشہ 3000، کار و جیپ 10 ہزار، جبکہ بڑی گاڑیوں کو 15 ہزار روپے جرمانہ کیا جائے گا۔

یہ بھی پڑھیں: سینئر ججوں سے چیف جسٹس بنانے کا آئیڈیا ہمارا نہیں، عدلیہ کا ہے: رانا ثنا اللہ

غلط سمت ڈرائیونگ پر جرمانے

غلط سمت ڈرائیونگ کی خلاف ورزی پر بھی جرمانے بڑھا دیے گئے ہیں، موٹرسائیکل 2000، رکشہ 3000، کار و جیپ 5000، لگژری گاڑی 10 ہزار، اور بس یا بڑی گاڑی کو 15 ہزار روپے دینا ہوں گے۔

یہ بھی پڑھیں: معروف صنعت کار چوہدری فیصل ممتاز کی صاحبزادی اصفیٰ فیصل رشتہ ازدواج میں منسلک

بغیر لائسنس ڈرائیونگ کے جرمانے

اسی طرح بغیر لائسنس ڈرائیونگ پر موٹرسائیکل کو 2000، رکشہ 3000، کار و جیپ 5000، لگژری گاڑی 10 ہزار، جبکہ بڑی گاڑیوں کو 15 ہزار روپے جرمانہ ہوگا۔

یہ بھی پڑھیں: آئینی ترمیم ستائیسویں ہو یا اٹھائیسویں ہم مخالفت میں کھڑے ہوں گے: شیخ وقاص اکرم

پریشر یا میوزیکل ہارن کے استعمال پر جرمانے

پریشر یا میوزیکل ہارن کے استعمال پر بھی سخت کارروائی ہو گی۔ موٹرسائیکل، رکشہ اور کار کے لیے 2000، لگژری گاڑی کے لیے 5000، جبکہ بسوں اور بڑی گاڑیوں کے لیے 10 ہزار روپے جرمانہ تجویز کیا گیا ہے۔

شہریوں کی رائے

شہریوں کا کہنا ہے کہ اتنے بھاری جرمانے عام آدمی کی پہنچ سے باہر ہیں، حکومت کو پہلے سڑکوں کی حالت بہتر بنانی چاہیے اور آگاہی مہم چلانی چاہیے، پھر جرمانے بڑھانے چاہییں۔