پیپلز پارٹی کے سینئر رہنما و سابق وزیر لعل محمد خان انتقال کر گئے

انتقال کی خبر

ملاکنڈ(ڈیلی پاکستان آن لائن) پاکستان پیپلز پارٹی کے سینئر رہنما اور سابق وفاقی وزیر لعل محمد خان انتقال کر گئے۔

یہ بھی پڑھیں: حکومت پائیدار اقتصادی ترقی کے حصول کے لیے پرعزم ہے: بلال اظہر کیانی

سیاسی کیریئر

نجی ٹی وی چینل دنیا نیوز ذرائع کے مطابق لعل محمد خان کئی بار قومی اور صوبائی اسمبلی کے رکن رہ چکے تھے، وہ ذوالفقار علی بھٹو کے دورِ حکومت میں سینیٹر بھی رہے۔ لعل محمد خان ابتدائی سیاسی دور ہی سے پیپلز پارٹی سے وابستہ تھے اور انتقال کے وقت طویل علالت میں تھے۔

یہ بھی پڑھیں: راولپنڈی میں اوباش نوجوانوں کا گرین بس پر پتھراؤ، شیشے ٹوٹ گئے

گورنر خیبرپختونخوا کا بیان

گورنر خیبرپختونخوا فیصل کریم کنڈی نے پیپلز پارٹی کے مرکزی سینئر رہنما اور سابق سینیٹر و وفاقی وزیر لعل محمد خان کے انتقال پر گہرے رنج و غم کا اظہار کیا ہے۔

یہ بھی پڑھیں: لاہور میں گن پوائنٹ پر ساڑھے8 لاکھ روپے اور آئی فون ڈکیتی کی 15 پر کال کرنے والا خود ہی واردات کا ماسٹر مائنڈ نکلا،ملزم گرفتار

دعا اور تعزیت

گورنر نے مرحوم کے درجات کی بلندی اور پسماندگان کے لیے صبرِ جمیل کی دعا کرتے ہوئے کہا ہے کہ وہ غمزدہ خاندان کے دکھ میں برابر کے شریک ہیں۔

عوامی خدمت کا عزم

ان کا کہنا تھا کہ مرحوم لعل محمد خان نے اپنی سیاسی زندگی میں عوامی خدمت کو ہمیشہ اپنا نصب العین بنایا اور ان کی خیبرپختونخوا سمیت ملک بھر میں پیپلز پارٹی کے لیے خدمات اور عوامی سیاست میں کردار ہمیشہ یاد رکھا جائے گا.