لاہور آرٹس کونسل میں ’’جشن اقبال‘‘ کل ہو گا، ایرانی فنکار بھی پرفارم کریں گے

جشن اقبالؒ کی تقریب

لاہور (ڈیلی پاکستان آن لائن) لاہور آرٹس کونسل الحمراء میں شاعر مشرق، عالمی مفکر ڈاکٹر علامہ محمد اقبالؒ کے 148ویں یوم پیدائش پر پروقار تقریب بعنوان "جشن اقبالؒ" کا انعقاد کل (9نومبر 2025 بروز اتوار) شام 7 بجے ہوگا۔

یہ بھی پڑھیں: چیئرمین پاکستان پیپلز پارٹی بلاول بھٹو زرداری کی پاکستان سمیت دنیا بھر کی مسیحی برادری کو کرسمس پر مبارکباد

مہمان خصوصی

صوبائی وزیر خزانہ پنجاب میاں مجتبیٰ شجاع الرحمان تقریب کے مہمان خصوصی ہوں گے۔

یہ بھی پڑھیں: وہ وقت گزر چکا جب ہمارے 70 فیصد دفاعی اخراجات امریکا کو جاتے تھے، کینیڈین وزیراعظم

تقریب کی اہمیت

عالمی شہرہ آفاق فلاسفر علامہ اقبالؒ کو خراج عقیدت پیش کرنے کی یہ عظیم الشان تقریب محکمہ اطلاعات و ثقافت پنجاب اور خانہ فرہنگ ایران کی مشترکہ کاوش ہے۔ یہ پروگرام ڈاکٹر علامہ محمد اقبالؒ کے افکار، مشرقی روایات اور بین الاقوامی ادبی و ثقافتی، تہذیبی و تمدنی تعلقات کو ایک ہی دھاگے میں پرو دے گا۔

یہ بھی پڑھیں: نواز شریف میڈیکل ڈسٹرکٹ کا جامع پلان طلب، ہر نمایاں شہر میں کارڈیالوجی سینٹر بنانے کا اصولی فیصلہ

فنکاروں کی پرفارمنس

توقع کی جارہی ہے کہ اسلامیہ جمہوریہ ایران کے فنکاروں کا گروپ "درنگ"، پاکستانی معروف گلوکار محمد سمیع اور ساتھیوں کے ہمراہ پرفارم کریں گے۔

دور جدید کے لئے اقبالؒ کے افکار

جشن اقبالؒ 2025 حکومت پنجاب کی اُس عالمی علمی و ادبی روایت کا تسلسل ہے جو عالمی اُفق پر پاکستان کے روشن چہرے کو پیش کرتی ہے۔ یہ تقریب اقبالؒ کے افکار کو نئی نسل تک منتقل کرنے کے ساتھ ساتھ پاکستان اور ایران کے مراسم کو بھی تقویت دے گی۔