کرکٹ کو ایشیا کے زیادہ سے زیادہ ممالک تک فروغ دینا چاہتے ہیں، محسن نقوی نے اے سی سی کے نئے ٹورنامنٹس کا پلان طلب کرلیا

کرکٹ کی ترقی کی نئی حکمت عملی

دبئی( ڈیلی پاکستان آن لائن ) ’’کرکٹ کو ایشیا ء کے زیادہ سے زیادہ ممالک تک فروغ دینا چاہتے ہیں‘‘۔ یہ بات ایشیئن کرکٹ کونسل (اے سی سی) کے صدر محسن نقوی نے اے سی سی کے نئے ٹورنامنٹس کے حوالے سے پلان طلب کرتے ہوئے کہی۔

یہ بھی پڑھیں: چیئرمین، ڈپٹی چیئرمین سینیٹ، سپیکر، ڈپٹی سپیکر کی تنخواہیں بڑھا کر ساڑھے 21لاکھ روپے ماہانہ کردی گئیں؟صحافی کے سوال پر وزیر خزانہ کا جواب بھی آ گیا

رائزنگ سٹارز ایشیا ءکپ ٹورنامنٹ کا جائزہ

تفصیلات کے مطابق، صدر ایشیئن کرکٹ کونسل محسن نقوی کی صدارت میں ہیڈ کوارٹرز دبئی میں ایک خصوصی اجلاس ہوا۔ اس اجلاس میں قطر کے دارالحکومت دوحہ میں ہونے والے رائزنگ سٹارز ایشیا ءکپ ٹورنامنٹ کے انتظامات کا تفصیلی جائزہ لیا گیا۔

یہ ٹورنامنٹ 14 نومبر سے 23 نومبر تک کھیلا جائے گا اور اجلاس میں انڈر 19 پریمیئر ایشیا کپ کی تیاریوں پر بھی غور کیا گیا۔

یہ بھی پڑھیں: وزیر اعلیٰ مریم نواز نے پولیو ٹیموں کا تحفظ یقینی بنانے کا حکم دیدیا، عوام سے بھرپور تعاون کی اپیل

مینز ٹی20 ایشیا ءکپ کا جائزہ

اجلاس میں مینز ٹی20 ایشیا ءکپ کے ڈیٹا کا ہر پہلو سے جائزہ لیا گیا۔ اے سی سی اجلاس میں مینز20 ٹوئنٹی ایشیا کپ کے ویورز شپ اور شائقین کی تعداد پر اطمینان اور مسرت کا اظہار کیا گیا۔ مختلف مستقبل کے ٹورنامنٹس کا بھی تفصیلی جائزہ لیا گیا۔

اے سی سی کے ایسوسی ایٹ ممبران کے درمیان لیگ کرانے کا فیصلہ کیا گیا ہے جبکہ لیجنڈ آف ایشیا ءکپ سمیت نئے ٹورنامنٹس کرانے پر بھی غور کیا گیا۔

یہ بھی پڑھیں: سپورٹس بورڈ پنجاب کے زیر اہتمام ”کھیلتا پنجاب ،،گیمز کے ڈسڑکٹ سطح کے مقابلے جاری

نئے ٹورنامنٹس کی منصوبہ بندی

’’جنگ‘‘ کے مطابق صدر اے سی سی محسن نقوی نے نئے ٹورنامنٹ کے بارے حتمی پلان طلب کر لیا ہے۔ اس کے ساتھ ہی وویمنز کرکٹ کے زیادہ سے زیادہ میچز کرانے پر بھی اتفاق ہوا۔

کرکٹ کے فروغ کے وعدے

صدر محسن نقوی کا کہنا تھا کہ کرکٹ کے کھیل کو ایشیاء کے زیادہ سے زیادہ ممالک تک فروغ دینا چاہتے ہیں اور ایشیائی ممالک کو کرکٹ کے فروغ کے لیے ہر طرح سے سپورٹ کریں گے۔