بیمار افراد کے لیے حج کرنا ممنوع قرار دے دیا گیا، سعودی حکومت نے سخت پابندی عائد کردی

حج کے لیے نئے طبی ہدایات

اسلام آباد (ڈیلی پاکستان آن لائن) وزارت مذہبی امور حکام نے خبردار کیا ہے کہ عازمین حج اور انہیں صحتمندی کا میڈیکل سرٹیفکیٹ دینے والے ہشیار ہوجائیں۔ سعودی حکومت نے سخت پابندیاں عائد کردی ہیں، اور بیمار افراد کے لیے حج کرنا ممنوع قرار دیا گیا ہے۔

یہ بھی پڑھیں: عمران خان کی بہنوں کے ساتھ جو ہوا، یہ واقعہ نہ صرف اخلاقی حدود کی خلاف ورزی ہے بلکہ مکمل ریاستی فاشزم کی جھلک ہے، شیر افضل مروت

سعودی وزارت صحت کی شرائط

سعودی وزارت صحت کی ہدایات کے مطابق، عازمین حج 2026 کے لیے طبی شرائط میں شامل ہیں: کینسر، دل، گردے، پھیپھڑے، جگر کی بیماری، رعشہ، نفسیاتی امراض، کمزور یادداشت، اور ضعیف مریض۔ اس کے علاوہ، حاملہ خواتین، کالی کھانسی، تپ دق، اور وائرل ہیمرج بخار والے بھی حج نہیں کرسکیں گے۔

یہ بھی پڑھیں: صوبائی وزیر کی جعلی ویڈیو اپ لوڈ کرنے کے مقدمے میں سوشل میڈیا ایکٹوسٹ فلک جاوید کی درخواست ضمانت مسترد

جعلی سرٹیفکیٹ کی صورت میں کارروائی

وزارت مذہبی امور کے مطابق، جعلی یا غلط سرٹیفکیٹ دینے والے ڈاکٹروں کے خلاف بھی کارروائی ہوگی۔ بیمار عازمین حج کو ڈی پورٹ کیا جائے گا، اور اس کے اخراجات بھی مریض کو خود ادا کرنا ہوں گے۔ سعودی حکام کی مانیٹرنگ ٹیمیں عازمین حج کے فٹنس سرٹیفکیٹ کی درستی کی تصدیق کریں گی۔

صرف صحت مند افراد کی روانگی

وزارت مذہبی امور کا کہنا ہے کہ مقررہ بنیادی صحت کے حامل افراد ہی سفر حج پر روانہ ہوں گے۔ میڈیکل افسر بیمار عازمین کو حج پر روانگی سے روکنے کا مجاز ہوگا۔