سہیل آفریدی کے بیانات کیخلاف ’چیئرمین تحریک انصاف نظریاتی‘ کا ردعمل بھی آ گیا

سہیل آفریدی کے بیانات پر ردعمل

لاہور(ڈیلی پاکستان آن لائن )سہیل آفریدی کے بیانات  کیخلاف’’ چیئرمین تحریک انصاف نظریاتی‘‘ کا ردعمل بھی آ گیا ۔

یہ بھی پڑھیں: زلزلے سے تباہی، پاکستان نے راشن بیگز، خیمے، کمبل، چٹائیوں اور ادویات پرمشتمل 105 ٹن امدادی سامان افغانستان بھجوا دیا

چیئرمین اختر اقبال ڈار کا بیان

تفصیلات کے مطابق تحریک انصاف نظریاتی کے چیئرمین اختر اقبال ڈار نے کہا ہے کہ خیبر پختوانخوا کے وزیراعلی سہیل آفریدی کے وفاقی اور ریاستی اداروں کے خلاف بیانات ریاستی نظم و ضبط پر سوال اٹھاتے ہیں اور عوام میں تقسیم اور بداعتمادی بھی پیدا کرتے ہیں۔ آئین پاکستان کسی بھی سیاسی رہنما کو ریاستی اداروں کے خلاف نفرت انگیز بیان دینے کی اجازت نہیں دیتا۔

یہ بھی پڑھیں: فاروق عبداللہ کا بیان: جے شنکر کے پاکستان دورے پر تازہ ترین خبر

بھارت اور اسرائیلی قوتوں کی سوچ

’’این این آئی ‘‘ کے مطابق  اپنے بیان میں اختر اقبال ڈار نے کہاکہ سہیل آفریدی کے بیانات سے بھارت، اسرائیل اور وطن دشمن قوتوں کی سوچ و فکر کی بدبو آتی ہے۔ 13سال سے خیبر پختوانخوا میں براجمان پی ٹی آئی والوں کو چاہیے تھاکہ نتائج دکھاتے لیکن یہ اپنی کارکردگی اور زیرو کارکردگی کو چھپانے کے لئے اشتعال انگیز گفتگو، تنقید برائے تنقید اور گالم گلوچ کرتے۔ ہماری سیاست اور ہماری ذات سب عارضی ہیں مگر پاکستان نے ہمیشہ قائم و دائم رہنا ہے۔ یہ لوگ اپنی گفتگو اور اپنے منفی اقدامات پر نظر ثانی کرتے ہوئے صحیح سمت میں مثبت پیشرفت کریں نہ کہ سیاہ تاریخ رقم کریں۔

پاکستان کی سرحدوں کی حفاظت

انہوں نے کہاکہ پاکستان کی نظریاتی جغرافیائی سرحدوں کی حفاظت اپنے خون سے کرنے والوں کے خلاف ہرزہ سرائی کو قطعاً نظر انداز نہیں کیا جا سکتا۔ ایسے لوگوں کو قانون کے کٹہرے میں لانا ہوگا۔