محکمہ موسمیات نے جمادی الثانی 1447 ہجری کے چاند سے متعلق پیشگوئی کردی

چاند کی پیشگوئی

اسلام آباد (ڈیلی پاکستان آن لائن) محکمہ موسمیات نے جمادی الثانی 1447 ہجری کے چاند سے متعلق پیشگوئی کردی۔

یہ بھی پڑھیں: بھارت کے خلاف فتح پر قوم متحد، اتحاد برقرار رکھنے کے لیے عمران خان کی رہائی ناگزیر ہے: بیرسٹر سیف

چاند کی پیدائش کا وقت

نجی ٹی وی سما نیوز کے مطابق محکمہ موسمیات کا کہنا ہے کہ جمادی الثانی کا چاند 20 نومبر کو صبح 11 بج کر 47 منٹ پر پیدا ہوگا۔ رویتِ ہلال کے امکانات 21 نومبر کی شام واضح قراردیے گئے، غروبِ آفتاب کے وقت چاند کی عمر تقریباً 30 گھنٹے 21 منٹ ہوگی۔

یہ بھی پڑھیں: پی ٹی اے کو فروری 2026 تک فائیو جی اسپیکٹرم نیلامی کا ہدف دیدیا گیا

چاند کی بلندی اور روشنی

محکمہ موسمیات کے مطابق چاند کی بلندی 5 درجے اور سمت 238 ڈگری رہے گی۔ غروبِ آفتاب کے بعد چاند 35 منٹ تک افق پر موجود رہے گا۔ چاند کی روشنی 1.58 فیصد ریکارڈ کی گئی، نظر آنے کے امکانات مضبوط ہیں۔

موسمی حالات

محکمہ موسمیات کا کہنا ہے کہ مطلع جزوی ابر آلود یا صاف رہنے کا امکان ہے۔ موسم سازگار رہا تو چاند بہ آسانی دیکھا جا سکے گا۔ چاند نظر آنے کی صورت میں یکم جمادی الثانی 22 نومبر کو متوقع ہے۔