علامہ اقبالؒ نے مسلمانوں کو خواب دیا اور بیداری کا پیغام بھی: صوبائی وزیر سوشل ویلفیئر سہیل شوکت بٹ

پیغامِ یومِ اقبال

لاہور ( ڈیلی پاکستان آن لائن ) صوبائی وزیر سوشل ویلفیئر و بیت المال پنجاب سہیل شوکت بٹ نے یومِ اقبالؒ کے موقع پر اپنے خصوصی پیغام میں کہا ہے کہ علامہ اقبالؒ نے مسلمانوں کو خواب بھی دیا اور بیداری کا پیغام بھی۔ ان کا فلسفۂ خودی ہمیں جرأت، استقلال اور خدمتِ انسانیت کا درس دیتا ہے۔

یہ بھی پڑھیں: کیا روس ممکنہ تیسری عالمی جنگ جیت سکتا ہے ؟ برطانوی فوج کے سربراہ کا حیران کن دعویٰ

نئی نسل اور باہم معذوری

سہیل شوکت بٹ نے کہا کہ نئی نسل اور افرادِ باہم معذوری ہماری طاقت اور قوم کا مستقبل ہیں۔ افرادِ باہم معذوری کو باعزت مواقع فراہم کرنا حکومتِ پنجاب کی اولین ذمہ داری ہے۔ وزیراعلیٰ پنجاب مریم نواز کی قیادت میں فلاحی اقدامات میں تیزی لائی گئی ہے تاکہ صوبے کے ہر شہری کو ترقی، عزت اور خوشحالی کے برابر مواقع حاصل ہوں۔