بشنوئی گینگ کے رکن سمیت 2 مطلوب بھارتی گینگسٹر گرفتار، کہاں سے کیسے اور کن جرائم میں پکڑا گیا؟ اہم تفصیلات سامنے آ گئیں

گرفتاری کی تفصیلات

نیویارک (نیوز ڈیسک) بشنوئی گینگ کے رکن سمیت 2 مطلوب بھارتی گینگسٹر گرفتار، کہاں سے، کیسے اور کن جرائم میں پکڑا گیا؟ اہم تفصیلات سامنے آگئیں۔

یہ بھی پڑھیں: آئندہ سال مزید مشکل، موسمیاتی تبدیلی کی شدت 22 فیصد بڑھ سکتی ہے: این ڈی ایم اے

بنگلورو اور بین الاقوامی گرفتاری

تفصیلات کے مطابق، بھارت کے 2 انتہائی مطلوب گینگسٹر بیرون ملک سے گرفتار کیے گئے ہیں جن میں سے ایک کا تعلق بشنوئی گینگ سے ہے۔ "اردو نیوز" کے مطابق این ڈی ٹی وی کی رپورٹ میں ہریانہ اور پنجاب کے سیکیورٹی حکام کا حوالہ دیتے ہوئے بتایا گیا ہے کہ وینکاٹیش گرگ کو جارجیا اور بھانو رانا کو امریکہ سے گرفتار کیا گیا۔ دونوں کو جلد ہی بھارت لایا جائے گا۔

یہ بھی پڑھیں: علی ظفر نے مقتولہ ٹک ٹاکر ثنا یوسف کے لیے جذباتی نظم شیئر کردی

جرائم کا نیٹ ورک

رپورٹ کے مطابق اس وقت بھارت سے تعلق رکھنے والے 2 درجن سے زائد گینگسٹر ملک سے باہر ہیں، جہاں سے وہ اپنے گینگز چلا رہے ہیں اور نئے لوگوں کو بھی بھرتی کر رہے ہیں۔ وینکاٹیش گرگ اور بھانو رانا کی گرفتاری کے لیے ہونے والی کارروائی سے دونوں گینگسٹرز کے طریقہ کار کے حوالے سے بھی اہم معلومات سامنے آئی ہیں۔ وینکاٹیش گرگ کا تعلق ہریانہ کے علاقے نایان گڑھ سے ہے اور وہ جارجیا میں مقیم تھا۔

یہ بھی پڑھیں: پشاور میں گاڑی پر فائرنگ، ۵ افراد جاں بحق

بھرتی اور بھتہ خوری

وہ ہریانہ، راجستھان، دہلی اور دوسری شمالی ریاستوں سے نوجوانوں کو اپنے گینگ میں شامل کرنے پر بھی کام کر رہا تھا۔ وینکاٹیش گرگ بیرون ملک موجود کپل ساگوان کے ساتھ مل کر بھتہ وصول کرنے والے ایک گینگ چلا رہا تھا۔ اسی طرح دوسرے گرفتار کیے گئے شخص بھانو رانا کے بارے میں بتایا گیا ہے کہ وہ بشنوئی گینگ کے لیے کام کر رہے تھے اور کچھ عرصے سے خاموشی کے ساتھ امریکہ میں رہائش پذیر تھے۔

یہ بھی پڑھیں: پاکستانی فضائی حدود مزید ایک ماہ کیلئے بھارتی طیاروں کیلئے بند رکھنے کا فیصلہ

طویل جرائم کی تاریخ

ان کا تعلق کرنال کے علاقے سے ہے اور وہ طویل عرصے سے جرائم کی دنیا میں سرگرم ہیں اور ان کے خلاف بھی کئی مقدمات درج ہیں۔ ان کا کریمنل نیٹ ورک ہریانہ، پنجاب اور دہلی تک پھیلا ہوا ہے۔

بشنوئی گینگ کی سرگرمیاں

انڈین میڈیا کی رپورٹس کے مطابق بشنوئی گینگ کافی عرصے سے سرگرم عمل ہے جس کو لارنس بشنوئی چلاتے ہیں جو اس وقت جیل میں ہیں اور وہیں سے ہی گینگ کو چلا رہے ہیں۔