27 ویں ترمیم سینیٹ سے منظور کرانے کی حکمت عملی فائنل، اتحادی جماعتوں سے ساتھ دینے کا وعدہ لے لیا گیا

حکومت کی 27 ویں ترمیم کی حکمت عملی

اسلام آباد (علی اختر): حکومت نے 27 ویں ترمیم سینیٹ سے منظور کرانے کی حکمت عملی فائنل کر لی ہے، اور اتحادی جماعتوں سے ساتھ دینے کا وعدہ لے لیا گیا ہے۔

یہ بھی پڑھیں: آپریٹر نے ایمرجنسی کی نوعیت کو غلط سمجھا اور اسے میڈیکل ایمرجنسی سمجھ کر کارروائی کی، سانحہ سوات سے متعلق ڈائریکٹر جنرل ریسکیو 1122 شاہ فہد کا انکشاف

آئینی ترمیم کے لیے درکار ووٹس

تفصیل کے مطابق، اس وقت آئینی ترمیم کے لیے سینیٹ سے 64 ارکان کے ووٹ درکار ہیں۔ سینیٹ میں اپوزیشن بینچز پر 30 ارکان موجود ہیں جو لازمی طور پر آئینی ترمیم کی مخالفت کریں گے۔ سینیٹ پارٹی پوزیشن کے مطابق، حکومتی بینچز پر پیپلزپارٹی 26 سینٹرز کے ساتھ سب سے بڑی جماعت ہے، جبکہ مسلم لیگ ن کے 20، بلوچستان عوامی پارٹی کے 4 ارکان، ایم کیو ایم پاکستان کے 3، نیشنل پارٹی کا ایک اور پاکستان مسلم لیگ ق کا بھی ایک سینیٹر ہے۔

یہ بھی پڑھیں: میں نے اپنا آخری پیغام لکھ لیا تھا اور۔۔’ طوفان میں پھنسی پی آئی اے کی پرواز میں سوار عدنان صدیقی کا حیران کن انکشاف

آزاد سینیٹرز اور حکومت کی حمایت

اس کے علاوہ، حکومتی بینچز پر 3 آزاد سینیٹرز ہیں جن میں سینیٹر عبدالکریم، سینیٹر عبدالقادر اور محسن نقوی شامل ہیں۔ تین سینیٹرز انوار الحق کاکڑ، اسد قاسم اور سینیٹر فیصل واوڈا نہ حکومتی اور نہ ہی اپوزیشن بینچز پر بیٹھتے ہیں۔ یہ تینوں سینیٹرز حکومت کو ووٹ دیتے ہیں، اس طرح سینیٹ میں حکومت کو 67 ارکان کی حمایت حاصل ہے۔ ذرائع نے بتایا ہے کہ مولانا فضل الرحمان بھی مشروط حمایت پر تیار ہو جائیں گے، نہ بھی ہوئے تو حکومت کے پاس نمبر پورے ہیں۔

یہ بھی پڑھیں: خبریں: پختونخوا حکومت بلٹ پروف گاڑیاں نہیں لے رہی تو پھر یہ ہمیں دیدیں – وزیراعلیٰ بلوچستان سرفراز بگٹی کی محسن نقوی سے درخواست

کمیٹیوں کے اجلاس اور تجویز کردہ ترامیم

27 ویں آئینی ترمیم پر غور کے لیے سینیٹ اور قومی اسمبلی کی مشترکہ کمیٹیوں کے اجلاس کے دوران مسلح افواج کے سربراہوں کی تقرری سمیت مشترکہ پارلیمانی کمیٹی نے 27 ویں آئینی ترمیم کے مجوزہ ڈرافٹ کو منظور کر لیا ہے۔ آئین کے آرٹیکل 243 پر تفصیلی مشاورت کے بعد منظوری دی گئی۔ اضافی ترامیم پر آج حتمی فیصلہ کر لیا جائے گا۔

مزید تبدیلیوں کی تجاویز

ذرائع کے مطابق، خیبر پختونخوا کا نام تبدیل کرنے اور بلوچستان میں اسمبلی کی نشستیں بڑھانے کی تجویز پر حکومت نے وقت مانگ لیا ہے۔ آئینی عدالتوں کے قیام اور زیرِ التوا مقدمات کے فیصلے کی مدت 6 ماہ سے بڑھا کر 1 سال کرنے کی ترمیم بھی منظور کر لی گئی ہے، جبکہ ایم کیو ایم کی بلدیاتی نمائندوں کو فنڈ دینے سے متعلق ترمیم پر اتفاق ہو گیا ہے۔ امید ظاہر کی جا رہی ہے کہ سینیٹ آج ترمیمی بل کی منظوری دے دے گی۔