لاہور میں ایک فیملی کا انسداد پولیو ٹیم پر حملہ، خاتون ورکر کا سر پھاڑ دیا

انسداد پولیو ٹیم پر حملہ

لاہور(ڈیلی پاکستان آن لائن) لاہور میں ایک فیملی نے انسداد پولیو ٹیم پر حملہ کردیا جس سے خاتون ورکر کا سرپھٹ گیا۔

یہ بھی پڑھیں: 50 سال سے جو قوتیں آپس میں بات نہیں کرتی تھیں انہیں اسلام آباد لانا معجزے سے کم نہیں: مراد علی شاہ

واقعے کی تفصیلات

نجی ٹی وی چینل جیو نیوز کے مطابق پولیس حکام کا کہنا ہے کہ پولیو ٹیم لاہور کے علاقے کوٹ لکھپت میں مہم کے لیے گئی تھی جہاں ایک گھر کے افراد نے بچوں کو ویکسین لگوانے سے انکار کیا۔

یہ بھی پڑھیں: سمگلنگ کی بڑی کوشش ناکام، 618 قیمتی موبائل فون اور 40 ڈیوائسز برآمد

پولیس کی رپورٹ

پولیس کا کہنا ہے کہ انسداد پولیو ورکر کے سمجھانے کی کوشش پر خاتون اور دو بیٹیوں نے حملہ کردیا۔ اس موقع پر اینٹ لگنے سے پولیو ٹیم کی خاتون ورکر کا سرپھٹ گیا جب کہ سکوٹی کو بھی نقصان پہنچایا گیا۔

مقدمہ درج

پولیس کے مطابق انسداد پولیو ٹیم کے انچارج کی درخواست پر مقدمہ درج کرلیا گیا ہے۔ مقدمے میں نامزد خاتون اور اس کے 2 بیٹے فرار ہیں جن کی تلاش جاری ہے。