عدالتی حکم کے باوجود وزیراعلیٰ کے پی کی بانی پی ٹی آئی سے ملاقات نہ کرانے پر توہین عدالت کی درخواست دائر

اسلام آباد ہائیکورٹ میں توہین عدالت کی درخواست

اسلام آباد (ڈیلی پاکستان آن لائن) عدالتی حکم کے باوجود وزیراعلیٰ کے پی کی بانی پی ٹی آئی سے ملاقات نہ کرانے پر اسلام آباد ہائیکورٹ میں توہین عدالت کی درخواست دائر کردی گئی۔

یہ بھی پڑھیں: دی اکانومسٹ میں شائع ہونے والا نام نہاد تجزیہ محض پرانی پروپیگنڈا کہانیوں کی نئی شکل ہے، جسے غیر ملکی تبصرے کا لبادہ پہنا دیا گیا ،پی ٹی آئی کا اعلامیہ

درخواست کی تفصیلات

نجی ٹی وی چینل جیو نیوز کے مطابق درخواست میں وفاق، اڈیالہ جیل اور پنجاب حکومت کو فریق بنایا گیا ہے، توہین عدالت درخواست میں سیکرٹری داخلہ کو بھی فریق بنایا گیا ہے۔

ایڈووکیٹ جنرل کی کاروائی

ایڈووکیٹ جنرل کے پی شاہ فیصل نے سہیل آفریدی کی جانب سے درخواست جمع کرائی، ایڈووکیٹ جنرل کے پی نے درخواست دائر کرنے سے قبل بائیو میٹرک تصدیق کروائی۔ درخواست میں عدالتی حکم پر عملدرآمد نہ کرنے پر فریقین کے خلاف توہین عدالت کی کارروائی کی استدعا کی گئی ہے، درخواست میں اسلام آباد ہائیکورٹ کے لارجر بنچ، ڈویژن بنچ کے فیصلوں کا حوالہ دیا گیا۔