بھارتی کرکٹر نے 8 گیندوں پر مسلسل 8 چھکے لگا کر نئی تاریخ رقم کر دی

ہندوستانی کرکٹر کی شاندار کارکردگی

نئی دہلی (مانیٹرنگ ڈیسک) بھارتی کرکٹر آکاش کمار چوہدری نے 8 گیندوں پر مسلسل 8 چھکے لگا کر نئی تاریخ رقم کر دی ہے۔

یہ بھی پڑھیں: ملک بھر میں سونے کی قیمت میں اضافہ

ریاست میگھالیہ کا کرکٹر

تفصیلات کے مطابق، آکاش کمار چوہدری نے رنجی ٹرافی کے پلیٹ گروپ میچ میں اروناچل پردیش کے خلاف بیٹنگ کے دوران مسلسل 8 چھکے لگا کر فرسٹ کلاس کرکٹ کی تاریخ کی تیز ترین نصف سنچری بنا ڈالی۔ آکاش نے صرف 11 گیندوں اور 9 منٹ میں 50 رنز مکمل کیے۔ انہوں نے 1 اوور میں 6 چھکے اور مجموعی طور پر 8 لگاتار چھکے لگا کر اپنی نصف سنچری مکمل کی۔ آکاش نمبر 8 پر بیٹنگ کے لیے اس وقت آئے جب ٹیم کا سکور پہلے ہی 6 وکٹوں پر 576 تھا۔

یہ بھی پڑھیں: وزیراعظم شہباز شریف سے بنگلہ دیش کے چیف ایڈوائزر پروفیسر محمد یونس کی ملاقات، دو طرفہ تعلقات کو مزید بہتر اور مضبوط بنانے پر تبادلہ خیال

6 چھکے ایک اوور میں

’’جیو نیوز‘‘ کے مطابق آکاش نے بیٹنگ کے آغاز میں ایک ڈاٹ اور 2 سنگل رن لینے کے بعد بائیں ہاتھ کے اسپنر لیمار دابی کے ایک اوور میں مسلسل 6 چھکے جڑ دیئے۔ اس طرح وہ فرسٹ کلاس کرکٹ کی تاریخ میں 1 اوور میں 6 چھکے لگانے والے دنیا کے تیسرے کھلاڑی بن گئے۔ اس سے پہلے گار فیلڈ سوبرز (1968) اور روی شاستری (1985) نے یہ کارنامہ انجام دیا تھا۔

یہ بھی پڑھیں: دو کروڑ کے کتے نے ٹرمپ کی حفاظت سنبھالی

نیا ورلڈ ریکارڈ

آکاش کمار نے پھر اگلے اوور میں 2 مزید چھکے لگا کر صرف 11 گیندوں پر اپنی نصف سنچری مکمل کی اور فرسٹ کلاس کرکٹ میں تیز ترین ففٹی کا ورلڈ ریکارڈ توڑ دیا۔ اس سے قبل فرسٹ کلاس کرکٹ میں تیز ترین ففٹی کا ورلڈ ریکارڈ سابق انگلش کرکٹر وین وائٹ کے پاس تھا جنہوں نے 2012 میں Essex کے خلاف 12 گیندوں پر نصف سنچری بنائی تھی۔

یہ بھی پڑھیں: این ڈی ایم اے نے آزاد کشمیر میں شدید بارشوں کا الرٹ جاری کردیا

میچ کے اختتام پر کارکردگی

آکاش نے برق رفتار اننگز کھیلتے ہوئے ٹیم کا سکور 628 تک پہنچایا، جس کے بعد میگھالیہ نے اننگز ڈکلیئر کر دی۔ آکاش کمار چوہدری 14 گیندوں پر 50 رنز پر ناٹ آؤٹ رہے۔ ان کی اننگز میں کوئی چوکا شامل نہیں تھا، صرف 8 شاندار چھکے تھے۔