27 ویں ترمیم، اب صرف اللہ کی عدالت باقی رہ گئی، اسد قیصر
اسد قیصر کا 27 ویں ترمیم پر ردعمل
اسلام آباد (ویب ڈیسک) پاکستان تحریک انصاف کے رہنما اسد قیصر نے کہا ہے کہ 27 ویں ترمیم سے عدالتیں انتظامیہ کے ماتحت کردی گئی ہیں، اب صرف اللہ کی عدالت باقی رہ گئی۔
یہ بھی پڑھیں: سہیل آفریدی کے بیانات کیخلاف ’چیئرمین تحریک انصاف نظریاتی‘ کا ردعمل بھی آ گیا
عدالت میں میڈیا سے گفتگو
عدالت میں پیشی کے موقع پر میڈیا سے گفتگو کرتے ہوئے انہوں نے 27ویں آئینی ترمیم کو سخت تنقید کا نشانہ بناتے ہوئے کہا ہے کہ اس ترمیم میں عوام کے لیے کچھ نہیں رکھا گیا، بلکہ عدالتوں کو انتظامیہ کے ماتحت کر دیا گیا ہے۔ اب لوگوں کو انصاف کے لیے در در کی ٹھوکریں کھانی پڑیں گی۔
یہ بھی پڑھیں: علینہ عامر نے بابر اعظم کو شادی سے متعلق مشورہ دیدیا
ججوں کی ٹرانسفر کے مسائل
انہوں نے مزید کہا کہ اگر پشاور سے کسی جج کو اسلام آباد یا پنجاب ٹرانسفر کیا جائے گا تو وہ کیا سوچے گا، کیسے کام کرے گا۔ اب تو صرف اللہ کی عدالت رہ گئی ہے۔ اسد قیصر نے بتایا کہ 27 وی ترمیم کے لیے 2 سینیٹرز کو دبایا گیا، اس وجہ سے ترمیم کی گئی۔ انہوں نے یاد دلایا کہ 18 ویں ترمیم تمام سیاسی جماعتوں کے اتفاق سے ہوئی تھی۔
یہ بھی پڑھیں: آئی پی ایل، مچل اسٹارک کا بھارت واپس جانے سے انکار
ذوالفقار علی بھٹو کا آئین
ان کا کہنا تھا کہ 1973 کا آئین ذوالفقار علی بھٹو کا ایک تحفہ تھا اور بلاول بھٹو نے اپنے نانا کے کارنامے کو دفن کردیا۔ انہوں نے افسوس کا اظہار کیا کہ ایمل ولی نے بھی اس 27 ویں ترمیم کا ساتھ دیا۔ سیف اللہ ابڑو کو پارٹی سے نکال دیا گیا ہے، اور ان کے خلاف کارروائی ہوگی۔
یہ بھی پڑھیں: اوول آفس میں تقریب، صدر ٹرمپ نے ایلون مسک کو خدمات پر کیا چیز تحفہ میں دے کر الوداع کیا؟ جانیے
امن جرگہ کی ضرورت
اسد قیصر نے کہا کہ جرگہ منعقد ہونے جارہا ہے، جو کہ ہماری روایت ہے۔ افغانستان کے ساتھ معاملات ٹھیک نہیں ہیں اور ہم چاہتے ہیں کہ جرگوں میں تمام مکاتب فکر کے لوگ شامل ہوں۔ امید ہے کہ امن جرگے میں تمام سیاسی جماعتیں شریک ہوں گی۔
یہ بھی پڑھیں: لیگی رہنما جاوید لطیف نے سپیکر اور چیئرمین سینیٹ کی تنخواہوں میں اضافے کی مخالفت کردی۔
پشاور ہائیکورٹ میں درخواست
قبل ازیں، پی ٹی آئی رہنما اسد قیصر کی مقدمات کی تفصیلات کے لیے پشاور ہائیکورٹ میں دائر درخواست پر سماعت ہوئی، جسٹس سید ارشد علی اور جسٹس محمد فہیم ولی نے درخواست کو منظور کرلیا۔
گرفتاری کا حکم
عدالت نے اسد قیصر کو کسی بھی درج مقدمے میں گرفتار نہ کرنے کا حکم دیتے ہوئے متعلقہ فریقین سے رپورٹ طلب کرلی۔
