عرفان صدیقی صحافت کے شعبے میں ایک عہد کا نام تھے قلم سے سچائی کی ترجمانی کرتے رہے: عظمیٰ بخاری

وزیر اطلاعات و ثقافت پنجاب کا بیان

لاہور (ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے سینیٹر عرفان صدیقی کے انتقال پر گہرے دکھ اور افسوس کا اظہار کیا ہے۔ انہوں نے کہا کہ عرفان صدیقی کی رہنمائی اور سرپرستی میرے لیے ہمیشہ مشعل راہ رہی ہے۔ میری خوش قسمتی رہی کہ اہم معاملات میں ان کی رائے اور قیمتی مشورے مجھے حاصل ہوتے رہے۔ ان کی وفات میرے لیے ذاتی طور پر ایک بڑا نقصان ہے۔

یہ بھی پڑھیں: سکیورٹی خدشات، گاڑیوں اور موٹرسائیکلوں کے نمبر کے حوالے سے بہت بڑی فیصلہ

عرفان صدیقی کی خدمات

وزیر اطلاعات و ثقافت پنجاب عظمٰی بخاری نے مزید کہا کہ عرفان صدیقی صحافت کے شعبے میں ایک عہد کا نام تھے اور ہمیشہ اپنے قلم سے سچائی کی ترجمانی کرتے رہے۔ عرفان صدیقی جمہوریت کی ایک توانا آواز تھے اور صحافت و سیاست کے شعبے میں ان کی خدمات ہمیشہ یاد رکھی جائیں گی۔ وہ میاں نوازشریف کے باوفا اور مخلص ساتھی بھی تھے۔