آج 9واں وارنٹ نکلا ہے، کس کس عدالت جاکر ضمانت کروائیں؟ جب انہوں نے جیل میں ڈالنا ہوگا ڈال دیں گے، علیمہ خان

علیمہ خان کا بیان

راولپنڈی (ڈیلی پاکستان آن لائن) بانی پی ٹی آئی کی ہمشیرہ علیمہ خان کا کہنا ہے کہ آج 9واں وارنٹ نکلا ہے۔ ہم کس کس عدالت میں جاکر ضمانت کروائیں؟ ضمانت بھی انہوں نے نہیں دینی، جب انہوں نے جیل میں ڈالنا ہوگا ڈال دیں گے۔

یہ بھی پڑھیں: بانی پی ٹی آئی نے 4 پیغامات بھیجے ہیں، عمران خان نے کہا حرمین شریفین کی حفاظت ہمارے لئے سعادت ہے،علیمہ خان

میرے وطن کی حالت

میڈیا سے گفتگو کرتے ہوئے انہوں نے کہا کہ ترامیم میں سب دیکھ رہے ہیں کیا ہو رہا ہے۔ ہر پاکستانی کو شرم سے سر جھکا لینا چاہئے کہ ہم کیا کچھ برداشت کررہے ہیں۔ اگر ہم یہ برداشت کرتے گئے تو اس سے بھی زیادہ برا ہوگا۔ عمران خان یہی کہتا ہے کہ جب آپ ظلم برداشت کرتے جائینگے تو ظلم بڑھے گا۔

سیاسی صورتحال کی وضاحت

علیمہ خان نے مزید کہا کہ ن لیگ کی 17 سیٹیں ہیں، جن کو فارم 47 کے ذریعے اور بعد میں جسٹس قاضی فائز عیسی کے توسط سے پی ٹی آئی کی مخصوص سیٹیں چھین کر دو تہائی تک لایا گیا، لیکن حقیقت میں یہ صرف 17 سیٹیں ہیں جو اس وقت پاکستان کا آئین بدل رہی ہیں۔ ان 17 میں بھی دھاندلی کے ساتھ ووٹ کے ڈبے بھرے گئے تھے۔ آج اس ملک کے فیصلے انہی 17 سیٹوں والوں کررہے ہیں۔

آج نواں وارنٹ نکلا ہے ہم کس کس عدالت میں جاکر ضمانت کروائیں؟ ضمانت بھی انہوں نے نہیں دینی۔ جب انہوں نے جیل میں ڈالنا ہوگا ڈال دینگے۔

ترامیم میں آپ دیکھ رہے ہیں کیا ہونا چاہئے۔ ہر پاکستانی کو شرم سے سر جھکا لینا چاہئے کہ ہم کیا کچھ برداشت کررہے ہیں۔ اگر ہم یہ برداشت کرتے گئے تو اس سے… pic.twitter.com/cIL4YNgbXu

— PTI (@PTIofficial) November 11, 2025