پہلا ون ڈے، پاکستان کا سری لنکا کو جیت کے لیے 300 رنز کا ہدف
پاکستان کا شاندار آغاز
راولپنڈی(ڈیلی پاکستان آن لائن) پاکستان نے پہلے ایک روزہ میچ میں سری لنکا کو 300 رنز کا ہدف دے دیا ہے۔ پاکستان ٹیم کے سلمان علی آغا کی ناقابل شکست سنچری، حسین طلعت کے 62 رنز اور محمد نواز کی 36 رنز کی ناٹ آؤٹ اننگز کے باعث لنکن ٹائیگرز کو ایک اچھا ٹارگٹ دینے میں کامیاب رہی۔ پاکستان نے مقررہ 50 اوورز میں 5 وکٹوں کے نقصان پر 299 رنز بنائے۔
یہ بھی پڑھیں: مشکل گھڑی میں کسی کو اکیلا نہیں چھوڑیں گے، گورنر سندھ کا 5 ماہ کی تنخواہ سیلاب متاثرین کو دینے کا اعلان
سلمان علی آغا کی شاندار اننگز
سلمان علی آغا نے شاندار 87 گیندوں پر 105 رنز کی ناٹ آؤٹ اننگز کھیلی، اس دوران انہوں نے 9 چوکے بھی لگائے۔ اس سے قبل، پاکستان کو ابتدا میں ہی سری لنکا کے ہاتھوں نقصان کا سامنا کرنا پڑا جب اوپنر صائم ایوب 14 کے مجموعی اسکور پر 6 رنز بنانے کے بعد فرنینڈو کی گیند پر ایل بی ڈبلیو ہوگئے۔
یہ بھی پڑھیں: جنوب مشرقی ایشیا میں بارشوں، طوفان اور سیلاب نے تباہی مچادی، انڈونیشیا 442، تھائی لینڈ 162، سری لنکا میں 212 افراد ہلاک
دیگر کھلاڑیوں کی کارکردگی
فخر زمان اور بابر اعظم نے دوسری وکٹ کی شراکت میں 54 رنز بنائے تاہم فخر زمان 68 کے مجموعی اسکور پر 32 رنز بنانے کے بعد ہسارنگا کی گیند پر وکٹ کیپر کے ہاتھوں اسٹمپ ہوگئے۔
محمد رضوان بھی 5 رنز بنانے کے بعد 76 کے مجموعی اسکور پر ہسارنگا کے ہاتھوں ایل بی ڈبلیو ہوگئے۔ بابر اعظم بھی زیادہ دیر مزاحمت نہ کرسکے اور 95 کے مجموعی اسکور پر 51 گیندوں پر 29 رنز بناکر ہسارنگا کی گیند پر کلین بولڈ ہوگئے۔
یہ بھی پڑھیں: کشمیر الائنس فورم ماسکو کے زیر اہتمام ’’یوم استحصال کشمیر کانفرنس‘‘ 4 اگست کو ہوگی
سری لنکا کے باؤلر کا موثر کردار
سری لنکا کی جانب وانندو ہاسارنگا نے 3 جبکہ اسیتھا فرنینڈو اور مہیش ٹھیکشانہ نے ایک،ایک کھلاڑی کو آؤٹ کیا۔
میچ کا اختتام
104 runs off the last 10 overs! After being behind at the 25-over mark, Pakistan have put up a competitive total thanks to a brilliant unbeaten century by Salman Ali Agha #PAKvSL pic.twitter.com/7KiJn2JaDF
— ESPNcricinfo (@ESPNcricinfo) November 11, 2025
