اسلام آباد خود کش حملہ، خیبرپختونخوا میں سیکیورٹی الرٹ کی سطح بڑھا دی گئی

سیکیورٹی الرٹ کا اعلان

پشاور (ڈیلی پاکستان آن لائن) جوڈیشل کمپلیکس خودکش حملے کے بعد خیبرپختونخوا میں سیکیورٹی الرٹ کی سطح بڑھا دی گئی ہے۔

یہ بھی پڑھیں: علی امین گنڈاپور اور بیرسٹر گوہر کی بانی پی ٹی آئی سے 2گھنٹے طویل ملاقات

آئی جی خیبرپختونخوا کے احکامات

آئی جی خیبرپختونخوا ذوالفقار حمید نے تمام اضلاع کے ڈی پی اوز اور متعلقہ افسران کو ہدایت دی ہے کہ تعلیمی اداروں، عدالتوں اور پولیس دفاتر کی سیکیورٹی کو مزید سخت کیا جائے، جبکہ حساس تنصیبات اور اداروں کی حفاظت کے اقدامات کو مزید مؤثر بنایا جائے۔

یہ بھی پڑھیں: پاکستان کو چین سے ریل کے رابطے کیلیے 3 ممکنہ راستے ہیں کراچی سے خنجراب براستہ لاہور، راولپنڈی، ٹیکسلا اور حویلیاں، یا گوادر سے خنجراب براستہ سندھ۔

لاہور میں سیکیورٹی کی حالت

ادھر لاہور میں بھی سیکیورٹی ہائی الرٹ کر دی گئی ہے۔ عدالتوں کے اندر اور اطراف میں تعینات اہلکاروں کی تعداد میں اضافہ کیا گیا ہے، جبکہ ماتحت اور اعلیٰ عدالتوں کے گرد پولیس گشت (پٹرولنگ) بڑھا دی گئی ہے۔

یہ بھی پڑھیں: عمران خان ٹرمپ کی جیت سے خوش، بائیڈن دور کا منفی رویہ ختم ہوگا: علی محمد خان

شہریوں کی حفاظت کے اقدامات

پولیس کے مطابق شہر کے داخلی و خارجی راستوں پر گاڑیوں کی سخت چیکنگ جاری ہے، انٹری پوائنٹس پر نصب سی سی ٹی وی کیمروں سے مسلسل نگرانی کی جا رہی ہے، مشکوک گاڑیوں اور افراد کے کوائف کی تفصیلی جانچ پڑتال کی جا رہی ہے۔

دھماکے کی تفصیلات

یاد رہے کہ اسلام آباد ڈسٹرکٹ جوڈیشل کمپلیکس کے قریب ہونے والے خودکش دھماکے میں 12 افراد شہید اور 27 زخمی ہوئے تھے۔ پولیس کے مطابق جائے وقوعہ سے خودکش حملہ آور کا سر برآمد ہوا ہے، جبکہ زخمیوں کو پمز اسپتال منتقل کر دیا گیا ہے۔ شہدا کی شناخت کا عمل مکمل کر لیا گیا ہے۔