اسلام آباد خود کش حملہ، خیبرپختونخوا میں سیکیورٹی الرٹ کی سطح بڑھا دی گئی

سیکیورٹی الرٹ کا اعلان

پشاور (ڈیلی پاکستان آن لائن) جوڈیشل کمپلیکس خودکش حملے کے بعد خیبرپختونخوا میں سیکیورٹی الرٹ کی سطح بڑھا دی گئی ہے۔

یہ بھی پڑھیں: کوئی بری بات نہیں کہ شہباز شریف میرے پاس آئے یہ بڑا پن ہے: محمود اچکزئی

آئی جی خیبرپختونخوا کے احکامات

آئی جی خیبرپختونخوا ذوالفقار حمید نے تمام اضلاع کے ڈی پی اوز اور متعلقہ افسران کو ہدایت دی ہے کہ تعلیمی اداروں، عدالتوں اور پولیس دفاتر کی سیکیورٹی کو مزید سخت کیا جائے، جبکہ حساس تنصیبات اور اداروں کی حفاظت کے اقدامات کو مزید مؤثر بنایا جائے۔

یہ بھی پڑھیں: میڈیا انڈسٹری میں کام کرنے والی خواتین کو ’دستیاب‘ سمجھا جاتا ہے، میزبان عائشہ جہانزیب

لاہور میں سیکیورٹی کی حالت

ادھر لاہور میں بھی سیکیورٹی ہائی الرٹ کر دی گئی ہے۔ عدالتوں کے اندر اور اطراف میں تعینات اہلکاروں کی تعداد میں اضافہ کیا گیا ہے، جبکہ ماتحت اور اعلیٰ عدالتوں کے گرد پولیس گشت (پٹرولنگ) بڑھا دی گئی ہے۔

یہ بھی پڑھیں: سعودی عرب نے صنعتی تنصیبات پر حملے کا جواب دیا تو پاکستان بھی گھسیٹا جا سکتا ہے، سیکیورٹی عہدیدار کی روئٹرز سے گفتگو

شہریوں کی حفاظت کے اقدامات

پولیس کے مطابق شہر کے داخلی و خارجی راستوں پر گاڑیوں کی سخت چیکنگ جاری ہے، انٹری پوائنٹس پر نصب سی سی ٹی وی کیمروں سے مسلسل نگرانی کی جا رہی ہے، مشکوک گاڑیوں اور افراد کے کوائف کی تفصیلی جانچ پڑتال کی جا رہی ہے۔

دھماکے کی تفصیلات

یاد رہے کہ اسلام آباد ڈسٹرکٹ جوڈیشل کمپلیکس کے قریب ہونے والے خودکش دھماکے میں 12 افراد شہید اور 27 زخمی ہوئے تھے۔ پولیس کے مطابق جائے وقوعہ سے خودکش حملہ آور کا سر برآمد ہوا ہے، جبکہ زخمیوں کو پمز اسپتال منتقل کر دیا گیا ہے۔ شہدا کی شناخت کا عمل مکمل کر لیا گیا ہے۔