خودکش دھماکے کا حملہ آور ایک ہی تھا، 92 فوٹیجز اکٹھی کی گئی ہیں، آئی جی اسلام آباد

اسلام آباد خودکش دھماکہ

اسلام آباد (ڈیلی پاکستان آن لائن) ضلعی کچہری میں ہونے والے خودکش دھماکے کے بعد سکیورٹی اداروں کی جانب سے شواہد اکٹھے کئے جارہے ہیں۔ آئی جی اسلام آباد سید علی ناصر رضوی کا کہنا ہے کہ ابتدائی طور پر اے آئی کی مدد سے 92 فوٹیجز اکٹھی کی گئی ہیں۔

یہ بھی پڑھیں: اے این ایف کی کارروائیاں: بھاری مقدار میں منشیات برآمد، 4 ملزمان گرفتار

بارودی مواد اور حملہ آور کی تفصیلات

پبلک نیوز کے مطابق آئی جی اسلام آباد نے بتایا کہ 8 کلو گرام تک بارودی مواد اور بال بیرنگز استعمال کئے گئے ہیں۔ ابھی تک جو شواہد اکٹھے کیے گئے ہیں اس کے مطابق حملہ آور ایک ہی تھا۔ اس کے ہینڈلر کے حوالے سے چیزوں کی تصدیق کی جا رہی ہے۔ ایک موٹر سائیکل اور گاڑی کو مشکوک تصور کیا جا رہا ہے، کیمروں کی بیک ٹریکنگ سے شواہد اکٹھے کیے جا رہے ہیں۔ فرانزک، سی ٹی ڈی، انویسٹی گیشن، سیف سٹی اور حساس ادارے شواہد کا جائزہ لے رہے ہیں۔

افغانستان کے شہریوں کے خلاف آپریشنز

آئی جی اسلام آباد کا مزید کہنا تھا کہ افغانیوں کے حوالے سے روزانہ کی بنیاد پر آپریشنز جاری ہیں، ملک بھر میں 45 فیصد افغانیوں کے خلاف آپریشنز اسلام آباد میں ہو رہے ہیں۔