میں نے ساری کہانی مومن صدر کو سناتے کہا وزیر اعظم بھٹو نے صرف انسانی ہمدردی میں یہ حکم جاری کیا تھا، میری آنکھیں نم اور آواز جذبات سے بھری تھی
مصنف کی شناخت
مصنف: شہزاد احمد حمید
قسط: 347
یہ بھی پڑھیں: 200 روپے والے پرائز بانڈز کی قرعہ اندازی کا اعلان
خاندانی تعلقات
میری پھوپھی بی بی (بے نظیر بھٹو) کے بہت قریب تھیں۔ وہ پیپلز پارٹی وومن ونگ اسلام آباد کی صدر تھیں اور بی بی شہید انہیں انٹی کہہ کر بلاتی اور بہت عزت کرتی تھیں۔
یہ بھی پڑھیں: بھارت نے پاکستان کے لیے جاسوسی کے الزام میں پولیس افسر کو گرفتار کرلیا
کتاب کا مسودہ
میری معلومات کے مطابق بھٹو صاحب کی کتاب "If I Am Assassinated" کا مسودہ پاکستان سے باہر میری پھوپھی اپنی فالج زدہ بیٹی کی ویل چیئر کے ذریعے لے گئی تھیں۔ انہوں نے مجھے بتایا کہ اسی وجہ سے بی بی ان کی بڑی قدر کرتی تھیں اور ان کی بات توجہ سے سنتی تھیں۔
یہ بھی پڑھیں: وراثت، عقل اور فہم کی داستان: تین عبد اللہ اور حیرت انگیز وصیت کا راز
خاندانی حالات
ان کی بڑی بیٹی باجی فریحہ سندھ اسمبلی کی رکن تھیں اور انہوں نے میر ہزار خاں بجرانی سے دوسری شادی کی اور انہیں کے ہاتھوں قتل بھی ہوئیں۔ ان کی چھوٹی بیٹی آسمہ بچپن میں فالج سے متاثر ہوئی اور اس کا نچلا دھڑ بیکار ہو گیا تھا۔
یہ بھی پڑھیں: کمبوڈیا اور تھائی لینڈ کے درمیان متنازع سرحدی علاقے میں شدید جھڑپیں، متعدد شہریوں کی ہلاکت کی اطلاعات
وزیر اعظم سے درخواست
بھٹو صاحب کے تختہ الٹنے سے چند دن پہلے، میری پھوپھی نے وزیر اعظم ذوالفقار علی بھٹو کو چھٹی لکھی جس میں درخواست کی گئی تھی کہ "میری بیٹی پانچ چھ برس کی عمر میں پولیو کی وجہ سے معذور ہو گئی تھی۔ مجھے معلوم ہوا ہے کہ چینی طریقہ علاج 'آ کو پنکچر' میں اس کا علاج ممکن ہے۔ لہٰذا آپ سے درخواست ہے کہ میرے خاوند عبدالرزاق کی پوسٹنگ چین کی جائے تاکہ میں اپنی بیٹی کا علاج کرا سکوں۔" بھٹو صاحب نے ان کی درخواست پر اپنے ہاتھ سے لکھا؛
یہ بھی پڑھیں: پرویزمشرف کی جلا وطنی و تنہائی اور فیض حمید کی سزاۓ قیدخوشی کا نہیں ، عبرت کا مقام ہے، غلط کاموں کا نتیجہ جلد یا بدیر غلط ہی نکلتا ہے،خواجہ سعدرفیق
حکومت کا تختہ اور اثرات
بدقسمتی سے چند دن بعد بھٹو صاحب کی حکومت کا تختہ مومن صدر نے الٹ دیا۔ یہ آرڈرز بھی اُس کے ہاتھ لگے۔ میرے پھوپھا کو فوری طور پر سعودی عرب سے واپس بلا لیا گیا۔ بھٹو صاحب کے اس حکم پر عمل درآمد روک دیا گیا اور مومن صدر کے لئے باعث تشویش یہ بات تھی کہ "یہ کون خاتون تھی جس کی درخواست پر ایسا حکم صادر ہوا تھا۔"
یہ بھی پڑھیں: تین ملکی سیریز اور انڈر 19 ورلڈکپ کے لیے قومی ٹیم زمبابوے روانہ
مومن صدر کے ساتھ ملاقات
جب مشکلات بڑھیں تو میری پھوپھی نے مومن صدر کو بھی خط لکھ دیا اور اپنی بپتا بیان کی۔ جواب میں میری پھوپھی کو مومن صدر نے گھر چائے پر بلا لیا۔ باقی کی بات پھوپھی کی زبانی سناتا ہوں;
”میں مقررہ وقت پر صدر کے گھر راولپنڈی پہنچی تو صدر کی بیوی، والدہ اور معذور بیٹی زین بھی موجود تھیں۔ میں نے ساری کہانی مومن صدر کو سناتے کہا وزیر اعظم بھٹو نے صرف انسانی ہمدردی میں یہ حکم جاری کیا تھا۔ میری آنکھیں نم اور آواز جذبات سے بھری تھی۔ میں نے یہ بھی کہا آپ کی بیٹی پیدائشی معذور ہے پھر بھی آپ کی بیگم کو کہیں سے بھی بھنک پڑتی ہے تو وہ اسے علاج کے لئے وہاں لے جاتی ہیں۔ میری بیٹی تو پولیو کا شکار ہوئی تھی۔ میں بھی ماں ہوں اور میری بیٹی تو شاید ٹھیک ہو سکے۔ پھر میرے آنسوؤں کی جھڑی لگ گئی۔ آنسو ضیاء کی ماں کے بھی بہہ نکلے۔ بولی؛ "پتر تیرے کولوں ایسی امید نئیں سی۔”
یہ بھی پڑھیں: ہانیہ عامر کی فلم ’سردار جی 3‘ 50 کروڑ کے سنگِ میل کے قریب پہنچ گئی
چائے کی دعوت
انہوں نے مجھے چائے پینے کے لئے کہا۔ چائے بھلا کہاں میرے گلے سے اترتی میں نے انکار کر دیا۔ وہ بولے؛ "بی بی! اگر آپ چائے نہیں پئیں گی تو آپ چین نہیں جا سکیں گی۔" میں نے چائے زہر مار ہی کی تھی۔ ہم چین گئے لیکن میری قسمت آسمہ صحت یاب نہ ہو سکی تھی۔
نوٹ
یہ کتاب "بک ہوم" نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔
