ماضی کو بھلانا ہوگا، مستقبل کا سوچنا ہوگا، ترجیح ہمارا صوبہ ہونا چاہیے: فیصل کریم کنڈی

گورنر خیبر پختونخوا کا پیغام

پشاور (ڈیلی پاکستان آن لائن) گورنر خیبر پختونخوا، فیصل کریم کنڈی نے کہا ہے کہ اگر ہم مل کر نہیں بیٹھیں گے تو مسئلے کا حل نہیں نکلے گا۔ ماضی کو بھلانا ہوگا اور مستقبل کا سوچنا ہوگا۔ ہماری ترجیح ہمیشہ ہمارا صوبہ ہونا چاہیے۔

یہ بھی پڑھیں: بکریوں اور بھیڑوں کا جھنڈ ٹرک کی زد میں آگیا

امن جرگے میں خطاب

پشاور میں امن جرگے سے خطاب کرتے ہوئے انہوں نے کہا کہ ہمیں نوجوانوں کو درست سمت پر ڈالنا ہوگا۔ وفاق کے ساتھ بات چیت کے لئے اپنی سیاسی جماعتوں کو سائیڈ پر رکھنا ہوگا۔ صوبے کے حقوق حاصل کرنے کے لیے ہمیں وفاق کے ساتھ دلائل کے ساتھ بات کرنی ہوگی۔ ہماری سمت کو درست کرنا ضروری ہے، ان تمام سیاسی جماعتوں کی موجودگی میں صوبائی حکومت کی مدد ضروری ہے۔ اسپیکر صاحب کمیٹی بنائیں، ہر جماعت کا ایک نمائندہ لیں۔

ماضی کو بھلانے کی ضرورت

گورنر کے پی، فیصل کریم کنڈی کا مزید کہنا تھا کہ صوبہ بھر کو ایک ہال میں جمع کرنے پر اسپیکر کو مبارکباد پیش کرتا ہوں۔ ہمیں ماضی کو بھول کر مستقبل کی طرف دیکھنا ہوگا۔ یہ خوش قسمتی یا بدقسمتی ہے کہ ہمارے پڑوس میں افغانستان ہے۔ ہمارے تمام شعبہ ہائے زندگی کے لوگوں نے شہادتیں پیش کی ہیں۔ جب تک صوبائی حکومت، وفاق اور سیکیورٹی ادارے ایک ساتھ نہیں بیٹھتے، امن اور ترقی ممکن نہیں۔